ကြမ်းပြင်ပေါ်မှာ ငါ့အချိန်နာရီတွေ
ဖြန့်ကြဲကာ ရှုပ်ပွနေလေရဲ့...။
နံရံတွေ ပေါ်မှာလည်း
ငါ့စကားလုံးတွေ မဝံမရဲပါ
ပုန်းကြခွေနေတဲ့ အဖြစ်ကို
အချစ်သံနဲ့ ထုရိုက်ကာ
ချိတ်ဆွဲထားနေဆဲ...။
ခံစားချက်အကြောတွေ
ကတက်မှ ပြောလက်စနဲ့
ပြောရရင်ဖြင့် ငါ့အတွေးတွေက
လေဟာနယ်ထဲ ဝဲနေရာက
ယိုရွဲကာ ပေါက်ပြဲနေတဲ့
မိုးမျက်နှာကြက်ခပ်စုတ်စုတ်ကနေ
excuse me လို့တောင် ခွင့်မပန်ဘဲ
ငါ့ဦးဏှောက်ထဲကို
ဟဲ့..ပလုတ်တုတ်လို့
အာမေဋိတ်စွဲရလောက်အောင်
တိုးဝင်လာခဲ့.။
ဒီအကြောင်းတွေဟာလည်း
ငါ့အတွက် နိစ္စဓူဝမဟောင်းနွမ်းတဲ့
အကြောင်းထူးထူးဆန်းဆန်းတွေပါပဲ...။
ဒါကြောင့်လည်း အချိန်ရှိတိုင်း
ငါ့အသွးအသားတွေက
သွေးရူးသွေးတန်းနဲ့ အော်နေတာပေါ့..။
ကဲ...ဇာတ်လမ်းအဆုံးမှာတော့
မဆီမဆိုင်ငါပြောလိုက်ချင်တာက
သွေးလမ်းမှာ ပြေးနမ်းစရာ
ချစ်သူ့ပါးလေး အခုငါ့ဖင်ထိုင်ခုံအောက်မှာ...။
