“မဆုံစည်းခြင်း...”

ရွှေဝါရောင် ကန္တာရကြီးထဲမှာ ...
ဆောင်းကို သွားပျိုးမိတဲ့ ငါ့အဖြစ်ကိုက
ငါ့အပြစ်တစ်ခု ...
သဲမှုန်လေးတွေတောင်
အပူလျှပ်၊ အအေးပတ်ကုန်ပြီး
သေမျောကြပြီ...
မြေပြင်ကြီးပေါ် လဲလျောင်းအိပ်စက်နေကြတဲ့.
သဲဝိဥာဉ် အမှတ်စဉ်တွေကို ရည်တွက်ပြီး
ငါတစ်ယောက်တည်း ...
တွေးမိတွေးရာ တွေးမိရာက ...
ခေါင်းတညိမ့်ညိမ့် သံဝေဂတရရနဲ့...
ပါးစပ်ကနေ တီးတိုးရေရွတ်မိလိုက်တာက
“...ဩော်... ငါ့အမြင်အာရုံအောက်မှာ
မင်းလေး သေဆုံးပျောက်ကွယ်ပျောက်သွားခဲ့တာ
အခုဆို နှစ်ပေါင်းမနည်းတော့ဘူးပဲ...
ဒါပေမဲ့ ငါ့မျက်စိအောက်မှာ သေဆုံးနေကြပေမဲ့
ရှိနေကြတဲ့ သဲမှုန်တွေလို...
ငါ့အကြည့်တွေ အောက်မှာ
မင်း သေဆုံးသွားလည်း ဒီရင်ခွင်ထဲ ...
ဂစ်တာတစ်လက်နဲ့
ကဗျာရေးတဲ့ လက်တစ်စုံကိုသာ အသုံးပြုပြီး
သတိရတိုင်း ငေးငိုင်ကြည့်မိတတ်တာ ...
ကြည့်မိတိုင်းလည်း ပါးပြင်ပေါ်
မိုးတွေ ခိုးရွာရတယ်....”...။...။...

“ကံကြမ္မာမှ ကောက်နုတ်ချက်...”

အိပ်မက်ကို လှောင်အိမ်ထဲ
ပြန်သွင်းလိုက်တယ်...
မျက်စိမှိတ်ထားသ၍ သူ့ကိုပဲ လိုက်ရှာမယ်...
လို့လည်း ကြိမ်းဝါးထားတယ်...
..................................
ပျံသန်းသွားပါပြီ...
တကယ်...
ပျံသန်းသွားပါပြီ အတိတ်ဆိုတဲ့ သတ္တဝါကြီး
ဒိုင်ယာရီစာမျက်နှာဟောင်းတွေကို
ကတိုက်ကရိုက်ထုပ်ပိုးပြီး
ကောင်မလေးတစ်ယောက်လက်ဆွဲ...
အကြည့်လေးတွေတောင် မပေးတော့ဘဲ
ခပ်ကြဲကြဲတောင်ပံခတ်သံတွေကို ဖန်တီးပြီး
ဟိုး....
အဝေးကို စုန်သွားပြီ...
..................................
နာကျင်မှုမှတ်တိုင်တွေကို စနစ်တကျစိုက်ထူရင်း
လောကအဟုန်မှာ ...
ပေတေတေနဲ့ တစ်ယောက်တည်းစုန်နေရတဲ့ ဘဝ...
အဲဒါ ကောင်မလေးတစ်ယောက်အပြုံးရနံ့တွေနဲ့
ပျောက်ဆုံးသွားကတည်းက...။...
ဇာတ်လမ်းက အစပျိုးဖို့
စာတန်းလေးတွေ ထိုးနေတုန်းရှိသေး...
မင်းသမီးကို ကသုတ်ကရက် ဆွဲနုတ်ယူလိုက်တဲ့
ဒါရိုက်တာ...
ခေါင်းညိမ့်ရုံပဲ ရှိတော့တယ်...

“မျက်ဝန်း...”

အဲဒီညနေပေါ့...
သူ့မျက်ဝန်းထဲမှာ
ကိုယ့်အိမ်ပြန်ချိန်တွေ ကျရှုံးခဲ့တာ
အတုံးအရုံးပဲ...
မျက်နှာချင်းဆိုင်ပြီး စကားလမ်းကြောင်းတွေ
စီးချင်းထိုးကတည်းက ကျရှုံးချင်တဲ့
စိတ်နဲ့ပဲ ခုခံခဲ့တယ်...ဆိုတော့...
ဒါဟာ မထူးဆန်းတဲ့ ဇာတ်လမ်းတစ်ပုဒ်ပါပဲ...
ထူးဆန်းတာတစ်ခုတော့ သေချာရှာကြည့်ရင်...
အဲဒီမျက်ဝန်းထဲ
ကိုယ်ကျရှုံးသွားကတည်းက
ကိုယ့်အချိန်တွေကို သူသိမ်းပိုက်သွားခဲ့တယ်... ဆိုတာကို
မသိလိုက်တာပဲ...။...
.......................
ဘာပဲဖြစ်ဖြစ်...
ရင်ထဲ မှိုင်းညို့နေတဲ့
မိုးတိမ်တွေကို
အဲဒီအကြည့်နဲ့ပဲ ကိုယ်လှဲထုတ်ပစ်နိုင်ခဲ့တယ်...
ဆိုတော့ ကိုယ်ဝမ်းသာတယ်...
ညတွေကို သူ့ဆီပေးအပ်တယ်...
အိပ်စက်ခြင်းပဲပေးပါလို့...
နေ့တွေကို သူ့ဆီ လွှဲပြောင်းတယ်...
ပြန်တွေ့တဲ့ အချိန်... လူမှုရေးအရပြုံးရယ်ပေးပါလို့...
...................................
ဂစ်တာတစ်လက်ရဲ့ ကြိုးလေးတစ်စင်း
လေဟာနယ်ကို ခုတ်ဖြတ်...
သူလဲ (ပိုင်းပိုင်းစစ)အပြတ်ပါပဲ...
သံစဉ်မဲ့သွားမယ့် စက္ကန့်တွေကြောင့်
ယိုဖိတ်လာမယ့် နှလုံးသားအလွမ်းဓာတ်တွေကိုတော့
သူသိရှာတော့မှာ မဟုတ်ဘူး...
ကောင်းတယ်... ဒါဟာ ရင်ခွင်မှာ
ကဗျာလေရူးတွေ ခုန်ပေါက်ခိုဝင်လာမယ့်
အလားအလာတွေပဲ...
ဒါပေမဲ့...
ကိုယ့်ကိုကိုယ် ပြန်ရေးနေရတဲ့
ငါ့လက်တွေပဲ ငါသနားလို့ မဆုံးဘူး...။...။...

“လိပ်ပြာစည်းချက်...”

စည်းချက်မကိုက်တော့တဲ့
ငါ့လိပ်ပြာတွေအတွက်...
ချစ်သူရေ..
မင်းကိုတော့ ခေါ်ငင်ခွင့်ပြုပါ...
..........................
ဒီလိုပါ...
“ငါ့ဆောင်းတွေကို အလစ်သုတ်ယူ၊
ထွက်ပြေးသွားတဲ့
ကောင်မလေးရေ...
ငါခွင့်လွှတ်နိုင်ပါတယ်...
ပြန်လာချင်ပြန်လာပါ...
နောက်...
မင်းရဲ့ ကပ်စီးနည်းအကြည့်တွေကိုလဲ
ငါ့ဆီတိုက်ခတ်လာတဲ့
လေပြည်အသုတ်မှာ ပူးတွဲကာ
ချုပ်ထည့်ပေးလိုက်စမ်းပါ...
“...ဒီမှာငါ...
ရွှေရောင် ကန္တာရပြင်ကြီးထဲမှာ
ကုလားသေကုလားမော အိပ်နေကြတဲ့
ညမဟူရာတွေဘေးနား ငုတ်တုတ်လေးထိုက်လျက်
အေးအေးလူလူ မီးလှုံနေတယ်...” ဆိုတာ
မြင်ခိုင်းချင်စမ်းပါရဲ့...။...
တကယ်တော့လေ...
ငါဟာ... ဒီကဗျာကို
အသက်သွင်းခဲ့တာ မဟုတ်ဘူး...
ငါ့လက်ထဲကို
ရုတ်တရက်ကြီး အတင်းမင်းပဲ “...ရော့...အင့်...” ဆိုပြီး
ကလောင်တံလာထိုးပေးသွားတာလေ...
ဒါပေမဲ့... ဆေးစပ်မှားခဲ့တဲ့ ငါ့အပြစ်ကြောင့်...
ငါ့ကဗျာတွေ အဆိပ်သင့်ပြီး
အိပ်မက်တွေ ရူးသွပ်သွားရပြီ...။...
ပြန်လာပါ...
ကောင်မလေး...
အခုဆို ငါ...
ကဗျာတစ်ပုဒ်ကို
ကောင်းကောင်းမရေးတတ်သည့်တိုင်အောင်
ကလောင်တံတော့ ကိုင်တတ်နေပါပြီ...
ဒီတော့လေ...
ကောင်မလေးရေ...
စုန်းတွေပွေတဲ့ လမိုက်ညမတိုင်ခင်...
ငါ့ရင်ခုန်သံတွေကို အမြန်ဖြေသာစေလှည့်ပါ...
နောက်...
ခြေကားယား
လက်ကားယား
တောင်စွယ်မှာ နေမကွယ်ခင်
ကားစင်တင်အသတ်ခံရတော့မယ့်...
မိုးတိမ်တွေ မခြောက်ခြားခင်...
အခုလောက်များ...
ကောင်မလေး...
ပြန်လာပါ...”