“လမိုက်ည…”

ကောင်းကင်ကြီးပေါ်ကို
စူးထက်တဲ့ မြှားတစ်စင်း၊ အားခပ်ပြင်းပြင်း
ပစ်တင်လိုက်တယ်…။…
“…ဘုတ်…”
လမင်းကြီး (ညိုညစ်ညစ်အရောင်)သွေးသံတရဲရဲနဲ့ မြေပြင်ပေါ်ကို
ပြုတ်ကျလာတယ်…။…
သူသေတော့မယ်…။…
ဒါကြောင့်…
စကားတစ်ခွန်းသူမှာသွားတယ်…
“…ငါ့ကို ကောင်းကောင်းမြေမြုပ်သင်္ဂြီုလ်ပြီးလို့…တစ်ရက်ပြည့်ရင်
မိုက်ရိုင်းတဲ့ တစ္ဆေ၊ သရဲ၊ စုန်းကဝေတွေကို
မောင်းထုတ်ဖို့ ငါ့ကို ပြန်တူးဖော်ပေးပါ…”
………………………။

“ချစ်မိပါသည်…”

ခေါင်းလေးတစ်ချက် ငြိမ့်ရုံ၊
စကားလေးတစ်ခွန်းပြန်ဖြေရုံလေးနဲ့
ရင်ခုန်သံတစ်စု လွတ်ငြိမ်းချမ်းသာခွင့်ရမယ့်အရေး
ဘာဖြစ်လို့များ…?
လက်ပိုက်ကြည့်နေနိုင်ရတာလဲ ကောင်မလေးရယ်…။…
ပြောလိုက်စမ်းပါ…
ဥဩက နွေကိုချစ်သလောက်…
နှင်းတွေက ဆောင်းကိုချစ်သလောက်…
စွပ်ပြုတ်က အသားကိုချစ်သလောက်…
ကောင်းကင်က တိမ်တွေကို ချစ်သလောက်…
ပင်လယ်က သဲသောင်ပြင်ကြီးကို ချစ်သလောက်…
ဂစ်တာက သံစဉ်ကို ချစ်သလောက်…
ချစ်ပါတယ်…လို့…။…
ရှက်နေရင်လည်း ရင်ခွင်ထဲမှာ
မျက်ဝန်းလေးတွေ
ပွေ့ဖွက်ထားပေးပါ့မယ်…။…
လေရူးတစ်ရှိုက်နဲ့ သစ်ရွက်ကြွေတစ်သိုက်
လက်တွဲသွားသလို
အလွမ်းတွေကိုအိပ်ခိုင်း၊ တစ်ယောက်လက်တစ်ယောက်ချိတ်၊
ညွှန့်ကိုင်းနေတဲ့ ကောင်းကင်သက်တံကြီးပေါ်
အတူတူထိုင်ကြမယ်…လို့…
တွေးထားရဲ့သားနဲ့…
ဖြောင့်ချက်ကို ဘာဖြစ်လို့များ…
အခုထိသိုဝှက်ထားရတာလဲ…
မိုးရာသီကျရင်…
ဘယ်သူ့ကိုမှ အားမနာဘဲ
လွတ်လွတ်လပ်လပ် အသံကျယ်ကြီးအီးပေါက်တတ်တဲ့
ကောင်းကင်ကြီးကို အတုယူပြီး
ပြောလိုက်စမ်းပါ…
ပွင့်ပွင့်လင်းလင်း…။…
မလိမ်နိုင်တဲ့ မျက်ဝန်းတွေကတော့
ချစ်ကြောင်း ဖြောင့်ချက်ပေးကတည်းက
မျှော်လင့်ခြင်းအားတွေ အိပ်မက်တွေနဲ့အတူ
နွေမြက်ရိုင်းပင်တွေလို
ရေလောင်းစရာမလိုဘဲ အညွှန့်တလူလူ
ထူတက်လာတယ်…။…
သေချာစဉ်းစားကြည့်ပါ ကောင်မလေးရယ်…
ချစ်လားလို့ မေးတိုင်း
ရယ်နေရအောင် မင်းက ကျပ်မပြည့်တဲ့လူလည်းမဟုတ်…
ချစ်လားလို့မေးတိုင်း
နှုတ်ဆိတ်နေရအောင် မင်းက ဆွံ့အနားမကြားလည်းမဟုတ်…
ချစ်လားလို့ မေးတိုင်း
စကားလမ်းကြောင်းလွှဲနေရအောင်
ငါက အကြွေးတောင်းနေတာလည်း မဟုတ်…။…
တစ်ခုတော့ရှိတယ်…
ငါ့အကြည့်တွေ ခဏခဏခိုးယူထားတဲ့အတွက်တော့
ပြန်ပေးစရာအကြွေး မင်းမှာရှိတယ်…။
…………………………………
ဟော်ဒီပါးပြင်(နှစ်ဖက်)က မင်းအမှန်တရားဘက်ကို
အလင်းဝင်ဖြောင့်ချက်ပေးလာတဲ့တစ်နေ့…
နှုတ်ခမ်းပါးတစ်စုံရဲ့ အစားအသောက်ကိုခံဖို့
အခုကတည်းက ပျော်ပျော်ရွှင်ရွှင်စင်းထားပြီးသားပါ…။…
နောက်…
ဟော်ဒီ နှုတ်ခမ်းပါးတစ်စုံကလည်း
ပါးပြင်တွေကို နွေးထွေးစွာကြိုဆိုဖို့အသင့်…။…
………………………………...
ဖြောင့်ချက်ပေးပါတော့…

“မာယာ…”

(၃)နှစ်လောက်(အသက်)ပိုကြီးတဲ့ မ က…
မာယာတွေနဲ့ ကျွန်တော့်ကို
ဆော့ကစားလိုက်တာ…
ကျွန်တော့်မှာ ကံကြမ္မာခွက်ကို
တဂွပ်ဂွပ်သောက်လျက်
မောဟိုက်လို့ ရှိုက်သံတွေက ရင်ခွင်ကိုတီးခတ်ပါတယ်…။