``ဘ၀စည်းဝါး´´(သို့)``တစ်´´

တ ခါ တ လေ က န္တာ ရ ကို  အ လည် ရောက် သွား တဲ့ အ ခါ …

ကိုယ် ကို ကိုယ်  အ ငမ်း မ ရ ပြန် သောက် သုံး တယ် …

တ ခါ တ လေ  ရာ ဇ ၀င် ထဲ  မျက် စိ လည် သွား တဲ့ အ ခါ …

ကိုယ့် ကို ကိုယ်  အား မ နာ တမ်း  ပြန် သတ် တယ် …

ဂီ တာ တစ် လက် ကို  အ လေး ဆုံး အ ရာ တခု လို့  ထင် မိ တဲ့ အ ခါ …

ကိုယ့် ကို ကိုယ်  ချို မြိန် စွာ  တီး ကာ ညည်း နေ တတ် လေ့ ရှိ တယ် …

အ ပြည့် ၀ ဆုံး လ ရောင် အောက် မှာ  လမ်း ထွက် လျှောက် တဲ့ အ ခါ …

က ဗျာ တ ပုဒ် လို  ကိုယ့် ကို ကိုယ်  ခေါက် တုံ့ ခေါက် ပြန် ရေး စပ် လေ့ ရှိ တယ် …

ငါ့ စည်း ၀ါး တွေ နဲ့  ငါ …

ဒီ ဘ ၀ ထဲ မှာ  နေ ပျော် ပါ တယ် …

ငါ့ စ ကား လုံး တွေ နဲ့ ငါ …

တ ခါ တ လေ  ဖွက် ထား ရ ကောင်း မှန်း တော့  သိ ပါ တယ် …

ငါ့ မိ နစ် တွေ နဲ့  ငါ …

အ ချိန် တော့  မှန် လေ့ ရှိ ပါ တယ် …

ဘယ် သူ မှ ရှိ တဲ့ အ ခါ …

ရယ် သံ တွေ ကို  မိ တ္တူ ပွား ပြီး

ကိုယ့် ကို ကိုယ်  ပြန် စည် ကား နေ လေ့ လည်း  ရှိ ပါ တယ် …

                                                          လျံနိုး

                                                စက်တင်ဘာလ ၂၂၊ ၂၀၁၀

“သင်ရိုးကဗျာ”

မလှမွန် ...

ငါ့ကို ထူပါ ...
စေတနာတွေ နောက်ထားပြီး ငါ့ဒဏ်ရာကို ဆေးထည့်ပါ ...

ဩ၀ါဒတွေ ... ဒေါ်လာ($)တွေ
နောက်ထားပြီး ကျွန်တော်ဘာမှားနေလဲ ဆိုတာသာ
သင်ပြပေးပါ ဦးဖိုးကျား ...

လူဘယ်နှစ်ယောက်ကို ခင်ဗျား ကယ်ခဲ့တယ် ...
ခင်ဗျား တဆိတ်ကို တအိတ်လုပ်ပြီး
နာမည်ကောင်း ဘယ်လိုယူခဲ့တယ်... ဆိုတာ ကျွန်တော်မသိဘူး ကိုသာဇံ ...
အရေးကြီးတာ အရေးကြီးတာပါပဲ လို့ ခင်ဗျား သိထားဖို့ပါပဲ ...

လူဆိုးတွေကို ဟိတ်ဟန်ကြီးဖမ်းပြဖို့ထက်
သိုးရေခြံ အတုအယောင်မြေခွေးတွေကိုသာ
ထိုက်ထိုက်တန်တန်အရေးယူပေးပါ ကိုလှရွှေ ...

တကယ်တော့ ကျွန်တော်တို့တွေဟာ
အလုပ်ချိန်မှာ အိပ်နေရပြီး ဆာလောင်ငတ်မွတ်နေကြတဲ့ သူတွေဆိုတာ ...
ခင်ဗျား အသိဆုံးပါ ကိုဖိုးမောင် ...
ဒါကြောင့် ကျေးဇူးပြုပြီး ဟောက်သံကို နည်းနည်းလျှော့ပါ ...
- - - - - - - - - - - - - - - - - - - - - - - - - - - - - - - - - - - - - - - - - -
ခင်ဗျားတို့ ဘာတွေ တွေးနေကြတာလဲ ...???
ခင်ဗျားတို့ ဘာတွေ ပြောနေကြတာလဲ ...???
ခင်ဗျားတို့ ဘာတွေ လုပ်နေကြတာလဲ ...???

အကြံတခုတော့ ပေးချင်တယ် ...
ခင်ဗျားတို့ ရွတ်ဖတ်သရဇ္ဇာယ်နေတဲ့ ဇာတ်ညွှန်းစာအုပ်ကြီးကို
ခင်ဗျားတို့ နှလုံးသားမှာ မရိုးမရွလေး ချိတ်တင်ထားရင်တော့ ...
ခင်ဗျားတို့ဟာ ကာယကံ၊ ၀စီကံ၊ မနောကံတို့နဲ့ တလုံးတ၀ဖြစ်သွားမှာ အမှန်ပဲ ...
- - - - - - - - - - - - - - - - - - - - - - - - - - - - - - - - - - - - - - - - - - - -
ခင်ဗျားတို့ တွေးနေတာရဲ့ တစ်သန်းပုံတပုံလောက်
ကျွန်တော့်ကို နားလည်ခွင့်ပေးကြပါ ...
နောက် ...
ကျွန်တော် ခင်ဗျားတို့ကို ချစ်တတ်ဖို့ ကြိုးစားမိပါလိမ့်မယ် ...

ခင်ဗျားတို့ လုပ်ရပ်တွေကို အမှန်အမှား မဟုတ်ဘဲ
မျက်ရည်ချိန်ခွင်တရားနဲ့ ချိန်ကြည့်ရင် ...
ခင်ဗျားတို့ လုပ်ရပ်တွေက အလေးသာနေမှာကို တွေ့ရမှာ ဖြစ်တဲ့အတွက် ...
နည်းနည်းလောက်တော့ လျှော့ပေါ့ပေးပါ ...
ခင်ဗျားတို့ကို ကျွန်တော်ချစ်တတ်လာပါလိမ့်မယ် ...
- - - - - - - - - - - - - - - - - - - - - - - - - - - - - - - - - - - - - - - - - - - - - - - -
ခင်ဗျားတို့ ဖတ်နေကြ ဇာတ်ညွှန်းစာအုပ်ကြီးကို
ကျွန်တော့်ကို ခဏလောက် ပေးဖတ်စမ်းပါ ...
ကျွန်တော့်ဘေးနားက လူတွေကို ဟာဒယရွှင်ဆေးအဖြစ်
ခဏလေးပဲ ရယ်, ရယ်ဗျာ ... တ၀ကြီး တိုက်ကျွေးချင်လို့ ...
- - - - - - - - - - - - - - - - - - - - - - - - -

``ဒဏ်ရာ´´

နေ့ရက်တွေပေါ်မှာ ...
စကားတခွန်းကို အခါခါသွေးနေတယ် ...

ရေးလာမယ့် ဒိုင်ယာရီစာမျက်နှာတိုင်းမှာ ...
ပူပူနွေးနွေးနဲ့ သွေးစိမ်းရှင်ရှင်  ချိတ်တင်ထားလိုက်တယ် ...

``ကိုလံဘတ်(စ်)ရဲ့ နိယာမ´´

ကဗျာတပုဒ်ကို အရှိအတိုင်း အန်ချဖို့ ...

ကဗျာဆန်တဲ့ အမှောင်ပျိုးလမင်းကို ရှာတယ် ...
ကဗျာဆန်တဲ့ နှင်းဆီဘုရင်မကို ရှာတယ် ...
ကဗျာဆန်တဲ့ ကောင်းကင်ဘုံက စံပယ်ကို ခူးတယ် ...
ကဗျာဆန်တဲ့ စာသားတွေကို တစစီဖြုတ်ပြီး ပြန်စီကြည့်တယ် ...

နောက်ဆုံးတော့ ...
ကဗျာတပုဒ် ငါ စပ်လိုက်တယ် ...
“ငါ့ကဗျာ နဲ့ ငါ ဝေးကွာခဲ့ပြီပဲ” ...
- - - - - - - - - - - - - -
- - - - - - - - - - - - - -
ရှေ့ကိုပဲ ရှုတတ်တဲ့ ငါ့မျက်လုံးတွေကြောင့် ...
ရှေ့ကိုပဲ လှမ်းတတ်တဲ့ ငါ့ခြေထောက်တွေကြောင့် ...
ရယ်သံတွေကို နောက်ပြန်မပို့တတ်တဲ့ ငါ့နှုတ်ခမ်းတွေကြောင့် ...
ဝေးခဲ့တယ် ... လို့သာ ခပ်ရှင်းရှင်း မှတ်ယူပေးပါ ...

ရောမတမြို့လုံး ငရဲမီးထွန်းပွဲ ကျင်းပနေတာတောင်မှ
တယောထိုးမပျက်ခဲ့တဲ့ နီရိုး ဘုရင်ကြီးလို ...
ငါ့အနာဂတ်တွေကို နင့်နှုတ်ခမ်းပါးထက်ဆီ ရက်ရက်ရောရောနဲ့
ဝေသန္တရာ ဇာတ်မခင်းခဲ့နိုင်တာ တခုလည်း ခွင့်လွှတ်ပါ ...
- - - - - - - - - - - - - - -
- - - - - - - - - - - - - - -
“အချစ်ဟာ ဘ၀မှာ ချိုမြိန်ပေမဲ့ ...
ဘ၀ဟာ အချစ်မှာ မချိုမြိန်ဘူး ...”
- - - - - - - - - - - - - - -
- - - - - - - - - - - - - - -
အသေကောင်မျှော်လင့်ခြင်းတွေ အခုချိန်ထိ
အသက်တော့ မျောမျောရှုနေပါသေးတယ် ...
စကားတစ်ခွန်းကို မရိုးမအီဘဲ ခေါက်တုံ့ခေါက်ပြန် ဆိုနေရင်းနဲ့ပေါ့လေ - -
“ဆုံကြဦးမှာပါ ...”
- - - - - - - - - - - - - - - -
- - - - - - - - - - - - - - - -
ကမ္ဘာကြီး လုံးဝန်းပြီး လည်ပတ်နေတဲ့အတွက် ...
ငါ ဖြတ်သန်းနေတဲ့ အရှေ့အရပ်ကလည်း
တနေ့တော့ အနောက်အရပ်ဆီ ခြေချဖြစ်ဦးမှာပါ ...

``မျက်ရည်သော့ ...´´

အသက်ရှုသံ တမျှင်တစမှ မရှိတဲ့
သဘောင်္ကြီးကို စွင့်စွင့်ကားကားလွင့်ရင်း ...
မျက်ရည်ချောင်းဖေါက်နေသူ ကောင်မလေးကို စွန့်ခွာခဲ့တယ် ...
.........................................
ကောင်မလေး ရဲ့ နှုတ်ခမ်းပါးလေးကို
မျက်စိစုံမှိတ် ... ကြိတ်မှိတ်ဥပေက္ခာပြုထားလိုက်ရင်း ...
စကားလုံးတလုံးကို ခေါက်တုံ့ခေါက်ပြန်ရွက်ဆိုလိုက်တယ် ...
``မင်း(အချစ်)ထက် အရေးကြီးတဲ့ မနက်ဖြန်တွေကို ဖွင့်ဖို့
                          ``သော့´´
ငါ ရှာရဦးမယ် ...´´
(၂)
ငါ့ အနာဂတ်ကို လူယုံ ပြန်မသတ်စေချင်ဘူး ...

”မနုဿသီချင်း”

နေ၀င်တိုင်း ကြယ်စင်တွေကို
ကောက်ကောက်ပါ မျှားနေမိတတ်တဲ့ ငါ့ကိုယ်ငါ …
လက်တွေ အံသေလာတော့
ညပျောက်သူ …
တစ်ယောက်ပဲ ဆိုတာ သိခဲ့လိုက်ရ …
………………………………………………
တကယ်တော့ ငါဟာ ...
သာမညမနုဿလူသား တစ်ယောက်သာ ဖြစ်တယ် …
(၂)
ခြေထောက်ညောင်းရင် ပြန်လာလိမ့်မယ် … ဆိုတာ
မျိုးရိုးစဉ်ဆက်ပိုင်ဆိုင်(နေထိုင်)လာခဲ့တဲ့
အိမ်အိုကြီးက တိုးတိုးလေး သိနေခဲ့တယ် …
ဒီတော့ …
မမျှော်လင့်ဘဲ သူ မှန်းထားတာထက် သာလွန်ထူးကဲစွာ …
ငါ့အသွေးအသားအားလုံး ခြေကုန်နှုန်းကျလာခဲ့ …
(၃)
ကတိုက်ကရိုက်လွတ်လပ်တဲ့ ဟိုတုန်းက ငါ့ခဏလေးများ လေးတွေ …
သတ်မှတ်ထားတဲ့ ကိုင်နေဆဲ
ဒိုင်ယာရီကောင်းကင်ကြီး ပြိုမကျလာခင် …
ငှက်တစ်ကောင်လို ကဆုန်စိုင်းပျံသန်းသွားပြီး
“အမေနဲ့ အဖေ ရေ …
သားပြန်လာပြီ …” လို့ အားရပါးရ ၀ုန်းဒိုင်းကြဲအော်လိုက်ချင်တယ် …
………………………………………………….
ဒီလိုနဲ့ …
ငါ့လမ်း ငါ လျှောက်ရင်း …
ချွေးသီးတွေ တဖြည်းဖြည်းချင်း တသွယ်သွယ်ပြိုကျလာခဲ့တယ် …
ပွန်းပဲ့ခြင်းနဲ့ နှုန်းချိမှုတွေ ခြေထောက်တွေပေါ် အစီအရီပြွတ်သီးလာခဲ့တယ် …
(၄)
“ပတ် ဗေ ဒိုး ဗေ …
ပတ် ဗေ ဒိုး ဗေ … ဗေ ဗေ ပတ် ဗေ ပုံ ပတ် …”
ပီပြင်အောင် ဆက်ကစမ်းပါ ကွ ငါ့ကောင်ကြီးရ …
မင်း အိမ်ရှေ့မျက်နှာစာကို မရောက်ခင်ထိ မင်း ပီပြင်အောင် ဆက်ကရမယ် …
………………………………………………………..

"MORE THAN NOTHING"

Baby!

Just call me when you need...

Just tell me when you feel something...

Just join me when you feel lonely...

I am yours...!!!

.............................
The nights always come and the days
Becomes blind...

The days hours becomes dreams b'cause
I think of you in all days for the nights are poisonous
By my being madness.
.........................................
Baby!
Do you copy me?
Do you hear my heart beating?

For the last of this poem,
Nothing I can say but I love you...
Nothing I can do but I cherish you...
Nothing I can think but you...

“၀န်ပေါ့ခြင်းနှင့် စောင့်ကြိုသူ …”

ဘူတာရုံကြီးက တဖြည်းဖြည်းနဲ့

ငါ့ကို စွန့်ခွာပြေးထွက်ခဲ့ …

ဒီလိုနဲ့ပဲ …

ဘူတာရုံနဲ့ ငါနဲ့ တဖြည်းဖြည်းလွတ်လပ်စွာ

တစစီကွာဝေးခဲ့ …

ဒီလိုနဲ့ပဲ …

ကြယ်စင်နှိုးထမှုတွေကို အဖော်ပြုသူအဖြစ်

အထီးကျန်မှုတွေကို ကပိုကသီဝတ်ဆင်ခဲ့ …

ဒီလိုနဲ့ပဲ တနေ့ကျ …

ငါဟာ ရထားတစင်းဖြစ်မှန်း ငါ့ကိုယ်ငါ သိလိုက်ရတဲ့ အချိန်မှာ …

……………………………………………….

(၂)

“အို အဖ … အိုအဖ …

အဘယ်ကြောင့် ကျွန်ုပ်ကို စွန့်ပစ်တော်မူသနည်း …

ကျွန်ုပ်လဲနေသောအချိန် အဘယ်ကြောင့် မျက်နှာတော်ကို

ဝှက်ထားတော်မူသနည်း …”

ကျွနုပ်သည် နာကျင်ခြင်းမြစ်အစင်းပေါင်။များစွာကို

နေ့စဉ် အဟုန်လိုက် အစီးလိုက် ကူးခတ်နေရပါသည် …

ကျွန်ုပ်ဝန်များသည် ပခုံးများကို

နာကျင်တောင့်တင်းစေပါသည် …

………………………………..

“၀န်လေး၍ ပင်ပန်းသောသူ အပေါင်းတို့ ငါထံသို့ လာကြလော့ …

ငါသည် ချမ်းသာပေးမည် …” (ရှင်မသဲခရစ်ဝင်ကျမ်း ၁၁း၂၈)

တရားဟောချက်တွေကြောင့်လား …

တစုံတယောက်ရဲ့ စကားလုံးတွေကြောင့်လား …

မတော်တဆကြားမိတဲ့ နားသောတအာရုံကြောင့်လား …

အဲဒီ ကျမ်းပိုဒ် လေး ငါ့ဘ၀ထဲကို မတော်တဆပြုတ်ကျလာခဲ့တယ် …

…………………………………………

(၂)

နောက်ဆုံးတော့ ငါဟာ ရထားတစင်းသာ ဖြစ်ခဲ့တယ် …

ငါ့ကို သက်သာစေတဲ့ …

ဝန်ပေါ့စေတဲ့ ဘူတာရုံကြီးကို ငါမေ့လျော့နေခြင်းသာ ဖြစ်ခဲ့တယ် …

……………………………………….

(၃)

ငါဟာ …

ဘ၀တစင်းသာ ဖြစ်ခဲ့တယ် …