ပူလောင်တယ်...
လုံးဝကို ရက်ရက်စက်စက်ကို
ပူလောင်တယ်...
နေခုနစ်စင်းကို ရင်ဘတ်ထဲ
ဆွဲပွေ့ရှိုက်သွင်းထားရလောက်အောင်
ပူလောင်တယ်...
သူကတော့ ခေါင်းလေးကိုခါလျက်...
ငြင်းလို့ ကောင်းတုန်း...
ဒါပေမဲ့ ဒီဘက်မှာကတော့
ရှိုက်သွင်းထားတဲ့ နေ့လည်တွေ မွန်းတည့်လို့ကောင်းတုန်း...။...
...........................
ခါးသီးတယ်...
အော်ဂလီဆန်စရာကောင်းလောက်အောင်
ခါးတူးနေတာပဲ...
ငှက်ဖျားမဖြစ်ဘဲနဲ့...
(ကုန်ကုန်ပြောရရင် ဘာမှကို မဖြစ်တာ)
ဒါပေမဲ့...
သူ့ဘက်က ဥပေက္ခာခါးခါးတွေကို
နို့စို့သူငယ်လို တိုက်ကျွေးလို့ ကောင်းတုန်း...
..............................
စိုနေတယ်...
ပါးပြင်တစ်ခုလုံး ရေချိုးထားတယ်...
ညတွေကို ဖင်ခုထိုင်ထားပြီးတော့...
တစ်ယောက်တည်း အတွေးဧည့်ခန်းတံခါးတွေကို
ပိတ်ပြီး...
တိတ်တိတ်လေး ပါးပြင်တွေကို တစ်စက်ချင်း
ဝှေ့ပက်ထားတာ...
သူသိမှာပါ...လို့...မမျှော်လင့်ရဲဘူး..
ဘာဖြစ်လို့လဲဆိုတော့...
ယောကျာ်းတစ်ယောက်ရဲ့ မာန...
ကြောင့်...
နာကျင်ခြင်းတံခါးဟက်တက်ခွဲလိုက်ပြီ...။..
ပါးပြင်မြစ်တွေပေါ်မှာလည်း
ခေါင်းအုံးကလေးတောင် မျောနေပြီ...။...
...............................
မျက်လုံးနှစ်လုံးထဲကို
သူ့မျက်နှာထည့်ထားကတည်းက အရာရာကို
ပစောက် စသတ်နဲ့ ပစ်ခဲ့တာ...
အခုဆို သူတို့က ကိုယ့်ကို
ပစောက်စသတ်နဲ့ ပြန်ပစ်သွားပြီ..
ဆိုတော့ အရာရာ...
..........................
လမ်းလျှောက်နေတုန်း ရှေ့တည့်တည့်
ကောင်းကင်ကြီး ဘုတ်ခနဲ ပြုတ်ကျလာတယ်..
နောက် မေးတယ်...
“မင်းငါ့ရှေ့ထွက်ခဲ့တော့”...တဲ့။...
No comments:
Post a Comment