လူမိုက်

ညစ်ညစ်ပတ်ပတ် ဇာတ်ဝင်ခန်းတို့ကနေ
အလူးအလဲဖြစ်တည်လာခဲ့ ...

ငါ ဆိုတဲ့ သတ္တ၀ါက ...
..................................
..
ဘာတွေမှန်းတော့ မသိဘူး ...
အလင်းနှုတ်ခမ်းတွေက မျက်စိကျိန်းတယ် ...

တရားတဘောင်တို့နဲ့ ...
အကြိမ်ကြိမ် ငါ ပွန်းရှခဲ့ ...
လဲကျခဲ့ ...
သုည တလုံးကိုတောင် မမီမကမ်းလှမ်းဆုပ်ယူရတယ် ...

နောက်ဆုံးတော့ ...
ကျစ်ကျစ်ပါအောင် ဆုပ်ထားတာကလေ ...
................................
........................
..........
လူမိုက်

၂၀၁၁ ခုနှစ် ဇန်န၀ါရီ ၂၆ ဗုဒ်ဓဟူးနေ့ နံနက် ၁၀း၂၂ တွင်
ခေါ်တော်မူခြင်း/ခရစ်တော်တွင် အိပ်ပျော်သည် ...

လက်ဝါးကပ်တိုင်ခြေရင်းမှာ မျက်ရည်မဲ့ သုဘရာဇာလုပ်ပန်းခွေတို့က ...
အရိုင်းအစိုင်းသွေ့ခြောက်လွင့်ထူ ...

ဤတွင် ...

သုံးရာသီမမနှင်း

ကျွန်တော် မိုးတွေ ရွာနေတယ် မမနှင်း …
ရင်ဘတ်ထဲ နှင်းတွေ ဝေနေတယ် မမနှင်း …
ဦးဏှောက်ထဲ နေပူတာ အရမ်းကြဲတယ် မမနှင်း …
မမနှင်း …
ကို ချစ်တယ် ဆိုတဲ့အတိုင်း …
မမနှင်း ဆံဖျားမှာ ကျွန်တော့်ရင်အုပ်ကို ပန်ဆင်ခွင့်ပေးပါ …
ဟော … မမနှင်း …
ဟိုမှာ မိုးတွေ ရွာနေတယ် …
ရဲရဲလျှောက် မမနှင်း … ရဲရဲလျှောက် …
အနောက်ကနေ ကျွန်တော့်ဘ၀နဲ့ မမနှင်းကို …
ခပ်မို့မို့လေး မိုးပေးထားတယ် …
အဲ … ဗြုန်းစားကြီး နှင်းတွေ ကျလာပါလား …
ကျွန်တော့်လက်ကို ကိုင်ပြီး ထွက်သွားပါ မမနှင်း
ကျွန်တော့်ဘ၀ကို ခြုံပေးပါ့မယ် …
အိုဇုန်းလွှာကြောင့် …
မီးနဲ့ အဆေးခံရသလိုပဲနော် …
မမနှင်း …
ပျော်ပျော်ရွှင်ရွှင် ဆော့ကစားနေပါ မမနှင်းပိုင်တဲ့ ပျော်စရာဘ၀မှာ …
ကျွန်တော့် မမနှင်းအစား မီးနဲ့ အဆေးခံမယ် …
ခရမ်းလွန်ရောင်ခြည်တွေ လိမ်းချယ် လိုက်မယ် …
သုံးရာသီ မမနှင်း …
ကျွန်တော် ပြာကျ ပြုံးရွှင် ငိုယိုနေတယ် …


ဝန်ခံချက် = မီး နဲ့ ဆေး ဆိုတဲ့ စကားလုံးကို ကဗျာဆရာဟိန်းလတ်ဇော်ဆီက ယူထားပါတယ် …

ခရစ်စမတ်ဆိုတာ ...???

အမေရိကန်က အတွေးအခေါ် …
ဆွိဒင်က အတွေးအခေါ် …
ဘေဂျင်းက အတွေးအခေါ် …
ဖိလစ်ပိုင်(မနီလာ)က အတွေးအခေါ် …
ရန်ကုန်က အတွေးအခေါ် …
ကမ္ဘာတ၀ှမ်းက အတွေးအခေါ်တွေ ခရစ်စမတ်ကို
အဓိပ္ပာယ်ဖွင့်ဆိုပုံမတူကြဘူး …

အမေရိကန်တို့ ဆွိဒင်တို့ ဘေဂျင်းတို့တွေက အေးတော့
ခရစ်စမတ်ကို အနွေးထည်လို ၀တ်ကြတယ် …
ဖိလစ်ပိုင်(မနီလာ)တို့ ရန်ကုန်တို့က ပူတော့ ခရစ်စမတ်ကို
ပန်ကာလို ဖွင့်ကြတယ် …
အဲ … ရန်ကုန်မှာ မီးမလာတော့ ပန်ကာလို ဖွင့်ကြသတဲ့ …

ကဲ …
စဉ်းစားကြည့်ပါ …
ခရစ်စမတ်ဆိုတာ ???

ဘယ်သူက ဘာအတွက် ဘယ်ကို ဘယ်လိုလာပြီး ဘာတွေလုပ်ခဲ့တယ်… ဆိုတာ …
ခင်ဗျားတို့ ရိုင်းစိုင်းတဲ့ ဒီမိုဂရေစီဗန်းပြနိုင်ငံအချို့မှာ …
ရိုင်းစိုင်းတဲ့ မြန်မာနိုင်ငံဒေသအချို့မှာ …
ခရစ်စမတ်ကို ဘီယာဘူးထဲက အမြုပ်တွေ အချို့နဲ့ …
အရက်ပုလင်းထဲက နတ်ဆိုးရယ်သံတချို့နဲ့ အဓိပ္ပာယ်ဖွင့်ကြသတဲ့ …
ခင်ဗျားတို့ ရိုင်းစိုင်းမှုတွေ အော့နှလုံးနာတယ်ဗျ…

ခင်ဗျားကို ချစ်တဲ့ လူတစ်ယောက်တွေးကြည့်ဦး …

                                                                           လျံနိုး
ဒီဇင်ဘာ ၂၂၊ ၂၀၁၀ ည ၉း၃၀

ဆဌဂံ

နက်နေတဲ့ ဒဏ်ရာကို

ဓားနဲ့ ...

ထပ်မွှန်းတယ် ...



(၂)

"မင်း မမွေးခင်

လူ့ဘ၀ကြီးအကြောင်း နည်းနည်းလေ့လာထားတော့

ကောင်းတာပေါ့ ..." ဆိုပြီး အလုပ်ထုတ်ပစ်တယ် ...



(၃)

ကွဲနေတဲ့ အသည်းကို

ညတိုင်း ...

အိပ်မက်လာပေးတယ် ...



(၄)

ကဗျာရေးချင်နေသေးတဲ့

လက်ကို ...

နိဂုံးစာရွက်လှမ်းပေးတယ် ...



(5)

လျှံကားပြည့်ဝနေတဲ့ အာသာကို ...

အဆီအစိမ့်တွေ ...

ထိုးကျွေးတယ် ...



(၆)

အိပ်နေတဲ့ နှုတ်ခမ်းကို

အနမ်းနဲ့ ...

နှုတ်ဆက်ပြီး ကဆုန်စိုင်းထွက်ခွာသွားတယ် ...

မွေးဖွားခြင်း

ကိုယ့်နာမည်ကို ကိုယ့်အသိုင်းအ၀ိုင်းထဲ
စတင်လက်ဆင့်ကမ်းတဲ့အခါ …

နတ်ဆိုးမျက်ဝန်းတချို့ …
သူရဲကောင်းမျက်ဝန်းတချို့ …
မုဒိတာမျက်ဝန်းတချို့ …
မေတ္တာမျက်ဝန်းတချို့ …
ဥယျာဉ်မှူးမျက်ဝန်းတချို့ …
အနုပညာမျက်ဝန်းတချို့ …
လူမိုက်မျက်ဝန်းတချို့ …

ငါ့ကို ၀ိုင်းကြည့်ကြတယ် …

ဆက်လက်ပြီး ငါ့နာမည်ကို သူတို့တွေလက်ထဲ ဝေဖန်ခိုင်းတယ် …
ဝေဖန်ချက်တချို့ကို မကြိုက်ဘူး …
တချို့ကို ကြိုက်တယ် …
တချို့ကို လိုအပ်တယ် …
တချို့ကို သဂြိုလ်လိုက်တယ် …

ဒီမှာ ညီမလေး …
လူဆိုတာ ပတ်ဝန်းကျင်နဲ့ ကြီးပြင်းတာကွဲ့ …

သင်မပိုင်တဲ့ ကမ္ဘာ

ငါ့ကမ္ဘာမှာ အမှိုက်စတွေ အများကြီးပဲ ...
အဲဒါကို ရှင်းမယ့်စိတ်က တံမြက်စည်းကို ဖက်ပြီး အိပ်နေတုန်း ...

ငါ့ကမ္ဘာမှာ နို့သောက်ထားတဲ့
ဝလုံးလေးလည်း ရှိတယ် ...
အဲဒီဝလုံးလေးက အဘိ်ုးအိုနဲ့ ယုန်သူငယ်ကို
မြိန်ရေယှက်ရေအကောင်လုံးလိုက် မျိုချထားတယ် ...

ငါ့ကမ္ဘာမှာ ပဉ္စဂံတစ်ခုနဲ့ သုံးနားညီတြိဂံအချို့ပေါင်းစည်းခြင်းတွေ
မိုးပေါ် ချိတ်တင်ထားတယ် ...
သူတို့က မကြားတတ်ပေမဲ့ ငါသူတို့ကို
စကားပြောလေ့ရှိတယ် ...
တခါတခါ ငါ့ကို နှစ်သိမ့်ဖို့ သူတို့ထဲက တချို့ခုန်ဆင်းလာကြတော့ ...
လမ်းတ၀က်မှာ သူတို့ပျောက်သွားတယ် ...
သူတို့ပျောက်ဆုံးခြင်းအတွက် ငိုလိုက်ရတာအမော ...

ငါ့ကမ္ဘာမှာ ...
မနက်တိုင်း အိပ်ရာပေါ်က င့ါကိုယ်ငါ
ပြန်ခူးပြီး ...
ညတိုင်း အိပ်ရာထဲကို ငါ့ကိုယ်ငါ
သမ်းဝေမျည်းငိုက်ပြန်သီးလေ့ရှိတယ် ...

ငါ့ကမ္ဘာမှာ ...
ဘယ်သူကမှ လက်သင့်မခံတဲ့ အနမ်းတွေ
ငါ့ကဗျာမှာ ပုံအပ်ထားခဲ့တယ် ...
ကဗျာဆရာတော့ မဟုတ်ပေမဲ့ ကဗျာမာယာမှာ
ယစ်မူးတတ်သူမို့ ...

ငါ့ကမ္ဘာမှာ ...
``မသော်တာအကြောင်း တွေးတောခြင်း´´ ဆိုတဲ့ ရိုးရာနဲ့
အိပ်မက်တွေကို ကုလားရှင်ပြု ပြုပေးရင်း ဘာညာကွိကွငါဟာ
သန်းခေါင်ယံကျော်မှ အိပ်တတ်လာပြီ ...


                                                     လျံနိုး
                                            ဒီဇင်ဘာ ၂၁၊ ၂၀၁၀(ည ၁၁:၂၃)

``နာရီကြီး´´

မော်ဒန်ဓားသွားတွေ
ပလူပျံနေတဲ့ကြားမှာ ငါ တစ်ယောက်တည်း
ဂန္ဓ၀င်တေးသွား သွေးနေလို့ မရတော့ဘူး ...

မော်ဒန်ဖြစ်အောင် ...
ဂျင်းဘောင်းဘီဝတ်ရမယ် ...
အီမိုစတိုင်လ်တွေ လေ့လာရမယ် ...
အင်္ကျီကို နှစ်ဖက်လှမဟုတ်ဘဲ ပြောင်းပြန်ဝတ်ရမယ် ...
မိန်းမဆန်ဆန် မိတ်ကပ်တွေ နည်းနည်းလူးရမယ် ...
နေမင်းကြီးကို အိပ်မက်ထဲ ခပ်ချပ်ချပ်လေး ထည့်ထားရမယ် ...
မသော်တာကို ပစ်ပစ်နှစ်နှစ် ပယ်ပယ်နှယ်နှယ် ဆဲရေးတိုင်းထွာရမယ် ...
စကားလုံးတွေကို အားဆေးတိုက်ရမယ် ...
မှော်ဆရာကို စေလိုရာစေ နှဖားကြိုးတပ်ခိုင်းစေတတ်ရမယ် ...
မိုနာလီဇာဆီက သွေးမျက်ရည်တွေ ချူညစ်ယူရမယ် ...
လီယိုနာဒိုဒါဗင်ချီကို မသော်တာပုံဆွဲခိုင်းရမယ် ...
ဆက်လက်ပြီး ...
အာဒံကို မသော်တာဆီ လူပျိုလှည့်ခိုင်းပြီး
ဧ၀ကို သားမှတ်မှတ်မယားမှတ်မှတ် ပေါင်းသင်းဆက်ဆံရမယ် ...
ဆူးခက်မင်း တို့ အနတ္တအနော်မာ တို့ ဆီကနေ LP အကြောင်း တီးခေါက်ယူရမယ် ...

ဟိုးအရင်တုန်းက
ပြားခဲ့တဲ့ ကမ္ဘာကြီးက အခုတော့ လုံးဝန်းသွားပါပြီ ...
ဟိုးအရင်တုန်းက
လူရာမ၀င်တဲ့ မော်ဒန်စတိုင်တွေ အခုတွင်ကျယ်သွားပြီ ...

ဒါဝင်ရဲ့ အဆင့်ဆင့်ပြောင်းလဲလာတဲ့
နိယာမထဲမှာတော့ လူ နဲ့ မျောက် မအပ်စပ်မိတာတော့ အမှန်ပဲ ...
တိရစ္ဆာန်ကို ဘိုးအေခေါ်ဖို့
ကျွန်တော်တို့ ဦးဏှောက်တွေက ရာစုနှစ်ကြိုပြေးနေတော့
ဘယ်လိုမှ လက်မခံနိုင်ဘူး ...

နီရိုးဘုရင်ကြီးရဲ့ သာမန်တယောလက်သံဟာ
ကမ္ဘာကျော်အောင် စွမ်းဆောင်နိုင်ခဲ့တာ မဟုတ်ပါဘူး ...
ပတ်ဝန်းကျင်က အရှိန်ကောင်းခဲ့တဲ့ မီးခိုးမီးလျှံတွေကြောင့်ပါ ...
တိုင်းနယ်ဘောလုံးသမားရဲ့သား ကမ္ဘာကျော်ဘောလုံးသမား
ဒေးဗစ်ဘက်ခမ်းကိုပဲ ကြည့်လေ ...
တံငါနားနီး တံငါ ကွဲ့ ... မုဆိုးနားနီး မုဆိုး ဟဲ့ ...

ပတ်ဝန်းကျင်က လူပဲ ...
လူကတော့ ပတ်ဝန်းကျင်မဟုတ်ဘူး ...

အရာအားလုံး သူ့သဘောသူဆောင်ပြီး
ကြည့်ကောင်းပါတယ် ...
ငါ့တိုင်ကပ်နာရီကြီးလည်း ပြေးလွှားနေရင်းပေါ့လေ ...



လျံနိုး
နိုဝင်ဘာ ၂၅၊ ၂၀၁၀