ပန်းတစ်ပွင့်တည်းကိုပဲ
ရနံ့တွေခွဲ...
ရလာတဲ့ ရနံ့ဆူးတွေကိုပဲ
သဲသဲမဲမဲရှိုက်တဲ့ပွဲမှာ...
နှစ်ဦးသားတည်ဆောက်ထားတဲ့
ကောင်းကင်တစ်ခုကို ရက်ရက်စက်စက်စုတ်ဖြဲကာ.......
မိုးတိမ်တွေရဲ့ ရွေ့လျားခြင်း
ဒိုင်ယာရီတွေကို လက်တွေမှာ
စွဲစွဲမြဲမြဲသယ်ဆောင်သွားကြတယ်...။....
...............................
ပင်လယ်တစ်ခုရဲ့ အရှေ့နဲ့အနောက်
အိပ်မက်တွေနဲ့
ခြေရာဖျောက်....
အနမ်းမရှိတဲ့ ရှေ့ဆက်လမ်းတွေကိုပဲ
ခပ်ကြောက်ကြောက်နဲ့
ရှုပ်မဲ့မဲ့လျှောက်...
.........................
နောက်ဆုံးတော့...
အတိတ်က ချိုမြိန်ခဲ့တဲ့
အပြုံးလေးတွေအတွက်....
အနာဂတ်မှာ ခါးသီးမယ့်
အရှုံးလေးတွေ မရှိဘူးလို့
ပုံသေမှတ်လျက်....
.........................
သေခြင်းမြစ်တစ်ဖက်ကမ်းမှာ
ငါတို့ဆုံနိုင်ပါသေးတယ်..။...
No comments:
Post a Comment