``မိုးလှိုင်ည´´

မိုးမြှားတွေ ...
မိုးမြှားတွေ ...
ရက်ရက်စက်စက်ပဲ မြေပြင်ပေါ်ကို သူတို့ခန္ဓာကိုယ်တွေ
ဒေါင်လိုက် အလျားလိုက် သွန်ကြဲချကြ ...

ကောင်းကင်တစ်လျှောက်ကလည်း ....
အလင်းအိမ်တွေနဲ့ ကခုန်ပျော်မြူးလို့ .... မို့လို့ မောက်လို့ ...

မြေပြင်တစ်လျှောက်လုံးက မိုးရာသီထဲ ပြိုလဲကာ ...
ခါးသီးတဲ့ ပူလောင်ခြင်းတွေ
အပြိုင်အဆိုင် အိုမင်းရင့်ရော်သွားကြတာ ...
ဘယ်သူသိနိုင်မလဲ ...

ဩော် ...
တမ်းခြင်းတစ်စုံနဲ့ ပျိုးခဲ့တဲ့
တရှိုက်မက်မက်မိုးရာသီအနမ်းလေးတခုတော့ ....
အသက်ဝင်စပြုလာပါပြီ ...။ ...
(၂)
ကောင်းခြင်းအဖြာဖြာနဲ့ ...
ငါ့ရဲ့ ....
ကြေကွဲခြင်း ရင်ဘတ်တစ်စုံ ...
ပူလောင်ခြင်း သက်ပြင်းတစ်အုံ ...
နာကျင်ခြင်း ၀ိဥာဉ်အစုံတို့ကို ရိုက်ခွဲခုတ်ချသွားပေးကြပါ ...
စောင့်ဆိုင်းခြင်း အခါခါ ...
စောင့်လာခဲ့ရတာ ...
(၃)
မိုးတိမ်တွေကတော့ ...
ညတွေနဲ့ သူတို့ကိုယ်သူတို့ ဖုံးအုပ်ထားကြလေရဲ့ ...
ဟိုး ... မြင်နေရတဲ့
မိုးကုပ်စက်ဝိုင်းကြီးရဲ့ ၀င်ရိုးစွန်းအစနဲ့ အဆုံးတလျှောက် ...
ပြေးလွှားနေတဲ့ ကောင်းကင်ကမ်းရိုးတန်းကြီးဟာ အော်မြည်တာ ...
အွား ...
သွေးပျက်စရာကောင်းလိုက်တာ ...
ကြောက်ခမန်းလိလိ တချက်တချက် ထထအော်မြည်ပြီး ....
ခံစားချက်တွေကို အပူပြင်းဆုံးတောက်ကျွမ်းနေတာ ...

ကောင်းကင်ကြီးရဲ့ မျက်နှာပြင်တစ်လျှောက်မှာတော့ ...
အက်ကွဲမှုနဲ့ တုန်ခါမှုတို့ ဆောက်တည်ရာမရ ပြေးကြလွှားကြ ...
(၃)
ငါ့တစ်ယောက်တည်း ...
မူးဝေခြင်းတွေထဲမှာ ...
ကဗျာတပုဒ်၊
ကောင်မလေးတစ်ယောက် ... တိုနဲ့
ယစ်မူး...လို့ပါလျက် ...နဲ့ ...

ကောင်းကင်ရဲ့ တဟုန်ထိုးမိုးစက်လေးတွေဆီက
အငွေ့အသက်တွေ ...

ချမ်းအေးအေးလေးနဲ့ ...
အဲဒီည အိပ်မက်တွေထဲ တော်တော်ပျော်ခဲ့ပါတယ် ...
(၄)
ရှိုက်ပါတငင် မိုးကြီးရှင် ...

``ကွဲကြေခြင်း သီအိုရီ´´

အလွမ်းနေမ၀င်သေးခင်အထိ ...
ငါဟာ ...
အချစ်ကို ကပိုကသီဝတ်ဆင်အလှပြင်ထား သူ ...

သူ့နှုတ်က ဖိတ်စင်လျှံကျလာသမျှ ...
ဆိုင်ဆိုင်မြိုင်မြိုင် ရယ်သံတီးလုံးတွေအောက်မှာ ...
ရှုသူမရှိဘဲ ကပြယောင်တမ်း သူ ...

ကောင်းကင်မရှိတဲ့ မိုးတိမ်တွေဆီ ...
ကျရှုံးပြိုလဲ နေကြောင်း ...
ကောင်မလေး သိပါ ...
မျက်ရည်တွေ ရှိုက်ကြီးတငင် အကြောင်းပြချက်မဲ့
ရွာချနေတာ ...
တီးတိုးရွတ်ဆိုမိ သူ ...

နှင်းဆီဆူးလို ချိုမြိန်ခြင်း နှုတ်ခမ်းပါးလေးနဲ့ အဆိပ်သင့် သူ ...

နေမ၀င် တမ်းတမှုအင်ပါယာနဲ့ ...
သုံးပန်းဖြစ်နေမှန်းတော့ မသိဘဲ ...
ကိုယ် တကောကော ...
ချစ်တယ် ... ဆိုတဲ့ စကား တသွင်သွင် ပြောတတ် သူ ...
တကယ်တော့ ...
ကောင်မလေး နေမ၀င်ခင် ကျရှုံးသင့်တာက ငါ ပါ ...
(ဒါပေမဲ့)
ငါ့မှာ ကောင်းကင်မရှိတာ ...
ဒိုင်ယာရီတွေ အရွက်လိုက် အလိပ်လိုက် ...
ကွာကျပျောက်ရှသွားသလိုပ ...
....................................
အဆုံးမှာတော့ ...
ပြက္ခဒိန်တွေထဲက ``အထီးကျန်ခြင်း´´ ... ဆိုတဲ့
စကားလုံးတွေ အစိုင်အခဲဆန်လာခဲ့ ...

ခပ်ယဲ့ယဲ့ ပူပြင်းစပ်လောင်ခြင်းတွေထဲ ...
နေခုနစ်စင်းကို လက်သင့်ခံထားရတာ ...
အရင်က ခင်မင်ခဲ့တဲ့ ...
ဆောင်းပျိုအလင်းတွေကို အားနာတယ် ...

တကယ်တော့ ...
ကောင်မလေးရယ် ...
ငါလေ ...
(အရာအားလုံး)
တစ်စစီကွဲကြေနေတယ် ...

လျှို့ဝှက်သည်းဖိုဆန်ဆန် မိန်းမတစ်ယောက်အား ဖတ်ရှုခြင်း

လျှို့ဝှက်သည်းဖို ဆန်တဲ့မိန်းမ …
ငါ့ကောင်းကင်ကို ဟားတိုက်ဝတ်ဆင်ထားတယ် …
ငါ့မှာတော့ …
အသက်ရှုသံတွေ ပင့်လိုက် ရှိုက်ခိုက်နဲ့
အပင့်အရှိုက်တိုင်းမှာ စက္ကန့်လေးတွေနဲ့ အတူ …
မင်း အပြုံးတွေရဲ့ အဓိပ္ပာယ်ကို ဖွေရှာတယ် …

မင်းရဲ့ အနံ့အသက်တွေမှာတောင်မှ …
? ဆိုတာ အမြဲတမ်းရှိတယ် …
တကယ်တော့ မင်းကို ချစ်မိတာဟာ …
ငါဘ၀မှာ ကိုယ့်စကားကို ပြန်မျိုချရတဲ့ အဖြစ်မျိုး …

…………………………………..
မင်းအပြုံးတွေမှာ ရူးသွပ်ခြင်းတွေပါတယ် …
ကြောင်စီစီဖြစ်ခြင်းတွေ ပါတယ် …
ရယ်မောခြင်းတွေ ပါတယ် …
ငူတူတူဖြစ်ချင်းတွေ ပါတယ် …
ငိုယိုမျက်စပ်ခြင်းတွေ ပါတယ် …
အားလုံးပါပဲ …
မင်း ငါ့အာရုံထဲမှာ မီးဖွားသန့်စင်တဲ့နေ့တွေက စလို့ …
ငါသိလာတာက …
မင်းမှာ အဓိပ္ပာယ်ပေါင်း သန်းပေါင်းများစွာရှိတယ် …
ဘာသာစကားပေါင်း သန်းပေါင်းများစွာကို သိုသိပ်လျှို့ဝှက်ထားတယ် …
…………………………………………
မင်းကို ဖတ်နေရတာ …
အာရုံငါးပါးစလုံး နေ့တိုင်းမောရတယ် …
မိနစ်တိုင်းဟာ မင်း အကြည့်လေးတွေရဲ့ အဓိပ္ပာယ်ကို မှန်းဆမှုနဲ့ …
လွဲချော်မှုလှလှလေးတွေကို ဖြတ်သန်းလွဲချော်ရှပ်သီသွားတယ် …
မင်း အနား ငါခစားလို့ ….
တစက္ကန့်လေးပဲ ငါပြုံးနေခဲ့ရင်တောင်မှ …
ငါ့ရင်ခုန်သံတွေရဲ့ လွဲချော်မှုတွေ မင်း အာရုံတွေမှာ
လွတ်ချနေတယ် … ဆိုတာ
မင်း နားလည် …

? ? ? ? ? ? ? ?
? ? ? ? ? ?
? ? ? ? ? ? ? ?
? ? ? ? ? ?
ငါ ဘယ်မှာလဲ ….
ဘယ်မှာလဲ ငါ ….
မင်းကြောင့် ? တွေထဲမှာ …
ငါ ရွာလည်တယ် …

တောက် !!!!!!!!!!!
မီးခိုးတွေ ဝေတဲ့ မျက်ရည် မျက်ခုန်းတွေ …
မေးခွန်းဆန်တယ် …
မင်း မှတ်ထားပါ …
မေးခွန်းဆိုတာ ဖတ်တတ်မှ …
အချစ်ဆိုတာ ချစ်တတ်မှ …
အဖြေတွေ့တယ် …တဲ့ …။….
မင်းကိုငါ ချစ်တတ်ခဲ့တာ …
ငါ့ မျက်စိရှေ့မှာတင် သွေးယိုနွေအိုတွေ ပြန်ပြန်နုပျိုမျစ်နုလာတာ ….
ဆောင်းပျိုလင်းညိုတွေ အိုမင်းရင့်ရော်လာတာ …
နားလည်စမ်းပါ …
မင်း အပေါ် အချိန်ကာလနဲ့ တကွ …
ဘယ်လောက်ချစ်ခဲ့လဲ ဆိုတာ …
ဒါပေမဲ့ အခုချိန်ထိ မင်းရဲ့ တခါပြုံးလေးကိုတောင်မှ …
အဖြေရှာမတွေ့ဘူး …

………………………………
ချစ်တတ်တဲ့ …
ဒီ နွေလို သတ္တ၀ါကောင် …
နေခုနစ်စင်းနဲ့ မီးလောင်သန့်စင်မယ် …

အိနြေ္ဒရှင်

ကြုံတောင့်ကြုံခဲမနက်ခင်းတစ်ခု ...
ယဲ့ယဲ့လေး သူ ပြုံးခဲ့ ...
သွားထက်လေး ...
ကျွန်တော့်အာရုံထဲ ထွက်ပေါ်လာတာနဲ့ တပြိုင်နက် ...
ဦးဏှောက်ထဲ ? တစ်ခု ကစုန်ပြေးပေါက်ရောက်ချလာတယ် ....

... ? ...

သိက္ခာတွေအောက်မှာ အလံဖြူတွေသာ ....
ရက်ရက်ရောရော လွှင့်ထူရင်း ...
ရင်ခုန်သံတွေဟာ တစ်ကောင်ကြွက်တစ်ကောင် ရဲ့ ...
လာသူမဲ့ ... ခိုသူမဲ့ ...
မြေပုံဟောင်းတစ်ခုလို ...
ဆွေးမြေ့ဟောင်းနွမ်းအထီးကျန်တာ ...
... ဪ ...
ကြာပြီပေါ့လေ ...
...................................
ဒီရင်ခွင်ဟာလည်း ...
မိုးငတ်လယ်ပြင်တစ်ပြင်လို ၀ုန်းဒိုင်းကြဲ
ခြောက်သွေ့ပေါက်ကွဲနေပါပြီ ...
.......................................
..................................
အာရုံတွေမှာ ...
အိနြေ္ဒတွေသာ မရှိခဲ့ရင် ....

ကဗျာတွေ ရှိနေသေးသ၍တော့

မိန်းမပျိုလေးရေ …
ကဗျာတွေ ရှိနေသ၍
မင်း ဟာ ငါ နဲ့ …
လုံးဝအချိတ်အဆက်မဲ့မှာ မဟုတ်ဘူး …

နောက် …
ကဗျာတွေ ရှိနေသေးသ၍လည်း
မင်းငါ့နှလုံးသားကို …
ဘယ်လိုခွဲခွဲ ကွဲမှာမဟုတ်ဘူး …
? ? ? —–
မင်း ငါ့နှလုံးသားမှာ …
မမွေးဖွားခင်ကတည်းက …
ငါ ဟာ …
ကဗျာတွေမှာ ကွဲကြေပြဲစင် … ခဲ့ပြီးလို့ပဲ …
(၂)
ငါ့ခြေထောက်တွေ အမေမွေးကတည်းက အတိုင်းပဲ …
မပြောင်းလဲဘူး … နှစ်ချောင်းထဲ …
လမ်းပေါ်မှာလည်း …
တစ်စက္ကန့်ကို ခြေသံတစ်ခါထက် ပိုမသွားဘူး …
ရင်ခုန်သံတွေ အဖော်မရှိဘူး …
အာရုံတွေ အထီးကျန်လျက် … ပဲ …

ဒါပေမဲ့ …
မိန်းမပျိုလေးရေ မင်း မှတ်ထား …
ကဗျာတွေ ရှိနေသေးသ၍တော့ …
စကားလုံးတွေက
“ တစ်ယောက်တည်းပဲ ”
“အစစ်အမှန်” ကို လှစ်ပြရမယ် …ဆိုရင်တော့ …
“သိုက်မြုံစည်ကားခြင်း”
… ပါ ပဲ …။

သူ့ဘဝ

မီးဟုန်းတတောက်တော့ သေဆုံးငြိမ်းအေးသွားပြီ ...
......................................
တစ်နေ့ ...
သူ့ခေါ်သံနောက် သဲ့သဲ့ငါ ...
ကြားလိုက်တယ် ...
“ ရှဲ ...”

ပြီးဆုံးသွားပါပြီ

ပြီးဆုံးသွားပါပြီ ...
သူနဲ့ ပတ်သက်သမျှ ရယ်သံတစလေးတောင်
မကျန်ရှိဘဲ ...
အရာအားလုံး ပြီးဆုံးသွားပြီ ...
သူ့နာမည်လည်း ပြည့်ဖုံးကား ချလိုက်ပါပြီ ...
(၂)
ဦးတည်ရာမဲ့ သူ့ခရီးစဉ်အတွက်တော့ ...
အဆုံးစွန် လမ်းခွဲလေးထိ လိုက်ပို့မယ့် သူတွေက ...
မျက်ရည်တံခါးများကို ဆောက်လုပ်လျက် ...
သူ့အပေါ် အကြည့်အာရုံတွေကို ဖြန့်ကြဲထားကြတယ် ...
သူ ...
အခုတော့ ငြိမ်သက်လို့ ...
သူ ...
မနေ့ကတော့ စကားတွေ ဖောင်ဖွဲ့လို့ ...
စကားလုံးတွေ ဟောင်ဖွာ ဟောင်ဖွာ လွှတ်ထုတ်လို့ ...
(၃)
အခုတော့ သူ့နာမည်တစ်ခု လူတွေရဲ့ ပါးစပ်ဖျားကလွဲလို့ ...
ပြီးဆုံးသွားပြီ ...
လေပြည်တွေကို လိုက်ခိုကာ ...
သူ ...
ပျောက်ဆုံးခြင်းတွေနဲ့ အတူ လွင့်ပါသွားပြီ ...
(လမ်းခရီးတွေဟာ အထီးကျန်ဆန်လာခဲ့ ...
ခြေလှမ်းတွေ တစထက် တစ လှိုဏ်ခေါင်းကျယ်ဆန်လာခဲ့ ...
သွေးစိမ့်တဲ့ ပဲ့တင်သံတွေနဲ့ ...
အာရုံတွေထဲ ခြေသံဟာ ခါတိုင်းထက် ပိုကျယ်တယ် ...)
(၄)
မနေ့တနေ့တွေက ...
မမျှော်လင့်ခြင်းတွေနဲ့ (ဘဝတွေထဲ)ဆိုက်ရောက်လာခြင်းကို
ဘုရားသခင် လှစ်ဟပြတယ် ...
ပျော်မွေ့စေတယ် ...
အခုတော့ ...
ဘုရားသခင်ကိုယ်တိုင်ကပဲ ကျွမ်းကျင်စွာ ...
သူ့လက်တစ်ဖက်နဲ့ပဲ မျက်လှည့်တစ်ကွက်ကို
ပြသလိုက်ပြီ ...
ငါ့အတွက်တော့ ...
သက်ပြင်းတစ်စုံနဲ့ မျက်ရည်မြစ်ကြီးကို ထုတ်လုပ်ပေးရတာလောက် ...
မောဟိုက်တာ မရှိဘူး ...
သူ့ကြောင့် ...
ငါ့အရှိုက်သံတွေ ပြင်းထန်စူးရှခါးသီးတယ် ...
ပါးတွေလည်း စိုစွတ်နေပါပြီ ...
ပြီးခဲ့တာတွေလည်း ...
........ပြီးပြီ.......
........ပြီးပြီ.......
ပြီးပြီ ..............
သူလည်း အပြီး ....
ကိုယ်လည်း အညည်းပဲ ...
ကဲ ...
သူကတော့ တကယ် ...
ပြီးပြီ ...။..။။။။
(၅)
သူနဲ့ ဆိုင်တဲ့ ဇာတ်လမ်း ...
နောက်တစ်ခန်းဆိုတာ မရှိတော့ပါကြောင်း ...

မိုးကြိုးလို လူများ

ဗီးနပ်စ်ရဲ့ သွေးသား သမီးပျိုလေးရေ ...

ငါလေ ...
တခါတလေ နှုတ်ခမ်းပါးလေးတွေပေါ်
အပေါ်ယံသာစိုက်ကြဲကြတဲ့ ခင်မင်မှုအကြောင်း ...
အတွေးလေဟပ်မိရဲ့ ...

အချစ်ဆိုတဲ့ မင်းကိုတော့ ...
သူတို့ တွင်တွင်သုံးကြတယ် ...
သူတို့ နှုတ်ခမ်းပါးလေးတွေမှာတင် ...
ခင်မင်မှုတွေက ရင့်မှည့်နေပြီ ...
ဟားးးဟားးး....
တကယ်တော့လေ ...
အုတ်ဂူဆန်တဲ့ သူတို့ရဲ့ ရယ်သံတွေက ...
အုတ်ဂူဆန်တဲ့ သူတို့စကားလုံးတွေက ...
အုတ်ဂူဆန်တဲ့ သူတို့အပြုံးတွေက ...
ပုတ်သိုးနေတဲ့ သူတို့နှလုံးသားကိုတော့ ကာရံဖို့ ...
အယူခံဖို့ လုံလောက်ကဗျာဆန်ပါတယ် ...
ဖြူစင်သန့်ရှင်းပါတယ် ...
ဒီအတွက်လည်း သူတို့တွေဟာ ...
အုတ်ဂူလို ဖြူစင်နေပါတယ် ...
ဒါပေမဲ့ အုတ်ဂူတချပ်လို အထဲမှာ ...
လမိုက်ညတွေ ပြည့်သိပ်နေမှန်း ဘယ်သူမှ ...
ဂရုမပြုမိကြပါဘူး ...

ကောင်မလေး ...
ယုဒအနမ်းလေးလေ ...
မင်း မှတ်မိဦးမယ် ထင်တယ် ...
ခရစ်တော်ရဲ့ ပါးပြင်ပေါ် အညင်အသာပဲ
သူ ခုတ်ချခဲ့တယ် ...
ချိုမြိန်ကောင်း ချိုမြိန်မှာပါ ...
နှုတ်ခမ်းပါးလေးပေါ် ပျားရည်တွေ
အထပ်ထပ်သုံးလိမ်းစရာမလိုတော့အောင် ...
ကောက်ကျစ်တဲ့ အပြုံးနဲ့ အနမ်းဟာ သူ့အလိုလို ...
ချိုမြိန်ပြီးသား ...

(၂)
နဖူးပေါ်မှာ စာတန်းလေးတော့ ...
သူတို့ တင်ထားတယ် ...
“ကြိုဆိုပါသည်”
...... တဲ့ ...
ငါတို့ရဲ့ အဖိုးတန်တဲ့ ဝိဥာဉ်တွေကို
နုတ်ယူဖို့ ...
ငါတို့ဆီက ငါတို့ ကိုယ်စီ ပိုင်ဆိုင်တဲ့
ရတနာသိုက်တွေကို တူးဖော်ဖို့ ...
သူတို့ အပြုံးတွေထဲမှာ လက်နက်တွေ ဝှက်ထားတယ် ...
ဆူးတွေ ခင်းထားတယ် ငါတို့တွေ သေဖို့ ...
ကောင်မလေး မင်းသိလား ...
ငါတို့ဟာ ...
တခါတလေ မိုးတိမ်တွေပေါ် လမ်းလျှောက်နေရတာနဲ့ တူတယ် ...
လို့ ...
ပါးလွားတယ် ကွာ ...
မတည်မြဲမှန်းတော့ မသိကြဘူး ...
အပြုံးလို့ ဘွဲ့ပေးထားကြတဲ့ လေပြေလေးတွေနဲ့ ...
နူးညံ့မွှေးပျံ့တဲ့ ငါတို့ ရနံ့လေးတွေ သူတို့ စုပ်ယူလို့ အပြီးမှာ ...
ငါတို့ နင်းထားတဲ့ တိမ်လွှာတွေ ...
သူတို့ စနက်နဲ့ သူတို့ ဖြိုဖျက်ကြမယ် ...
ဖြစ်ခြင်း ပျက်ခြင်း သီအိုရီ တစ်ခုလို ...
အသေအချာ သိနေတဲ့
သီအိုရီ တစ်ခု ... လို့ မှတ်ယူထားလိုက် ကောင်မလေးရေ ...
(၃)
နောက်ဆုံးတော့ ...
ကောင်မလေးရယ် ...
သေချာစွာ ဖြူစင်စွာ
နှစ်ခုပဲ ငါတို့ ဘေးနားကျန်ခဲ့တယ် ...
ကဗျာ ရယ် ...
တစ်ယောက်ဘေးနား ...
တစ်ယောက် ရှိတယ် ... ဆိုတဲ့ အသိရယ် ...။ ...
ဒီတော့ မင်းဝိဥာဉ်ကို ...
အဆိပ်ဓားသွား နှုတ်ခမ်းပါးတွေနဲ့ ဝေးရာ ...
ထုဆစ်ထားလိုက်ပါ ...။...

ဖတ်ရှုပေးပါ … ကျွန်တော်ရေးသမျှစာတွေထဲက အဖတ်စေချင်ဆုံး ဆောင်းပါးလေးပါ

တခါတလေ လူ့ဘဝမှာ လက်တွဲဖော်(ကြင်ယာဖက်ပဲဖြစ်ဖြစ်၊ သူငယ်ချင်းပဲဖြစ်ဖြစ်၊ လုပ်ဖော်ကိုင်ဖက် အတွက်ပဲဖြစ်ဖြစ်)ရွေးတဲ့အခါ – လူတွေက လူအားလုံးအတွက် ကောင်းတဲ့လူဟာ သူတို့အတွက် အလားတူကောင်းမယ် လို့ ထင်တတ်ကြတယ် …တကယ်တော့ (အားလုံးကို မဆိုလိုချင်ဘူး) လူတွေဟာ အားလုံးအတွက်ကောင်းရင် တစ်ယောက်တည်းအတွက် မကောင်းတတ်ပါဘူး … ဒါကြောင့် ကိုယ့်အနေနဲ့ ကိုယ့်ကို အဆုံးစွန်အထိ မပေးဆပ်ကြဘူး …ဒါကြောင့် အဖုအထစ်လေးတွေ ဖြစ်တတ်ကြတယ် … ကြာတော့ ပေါက်ကွဲကြတယ် … စဉ်းစားစရာပါ … ကိုယ်ဟာ အားလုံးအတွက် ကောင်းမယ် ဆိုတာ ကောင်းတဲ့အရာတစ်ခု။ မှန်တယ် …။ ဒါပေမဲ့ ကြာလာတော့ ကိုယ်ဟာ တကယ့်မိတ်ဆွေ သူငယ်ချင်းဆိုတာ ရှိမှာ မဟုတ်ဘူး … ဘာဖြစ်လို့လဲ ဆိုတော့ ကိုယ်က အားလုံး အတွက် ကောင်းနေကြတဲ့အခါ(Focus) မရှိတော့ လူအားလုံးဟာ ကိုယ့်ရဲ့ အားလုံးအပေါ် ကောင်းမွန်မှုကို ပေါ့ပေါ့လေးတွေးပြီး သမန်ကာ လျှံကာ ထင်တတ်ကြတယ် …ဆိုလိုတာက ဒီကောင် ဒီလိုလုပ်တာ ငါတို့မှ မဟုတ်ပါဘူး အားလုံးကိုပါ ခင်ဖို့တော့ ကောင်းပေမဲ့ ပေါင်းဖို့ ဘာဖို့ မကောင်းတဲ့လူပါ လို့ အပြောခံရတတ်တယ် … ဒီတော့ ဘယ်လိုလုပ်မလဲ … ဆရာကြီး ဒဂုန်တာရာ ကပြောတယ် … မုန်းသူမရှိ ချစ်သူရှိ တဲ့ … နောက် ငြိမ်းချမ်းရေးကို ထိန်းသိမ်းကြပါ …တဲ့ …ဆိုတဲ့အခါမှာ လူအားလုံးနဲ့ သင့်သင့်မြတ်မြတ်နေကြပါ … နောက် အတတ်နိုင်ဆုံး ဖော်ဖော်ရွေရွေလေး ဆက်ဆံကြပါ ပေါ့နော် … ဒါဆို ကိုယ့်အပေါ်မှာ ငိုကြွေးခြင်း အံသွားခဲ့ကြိတ်ခြင်း ဆိုတဲ့ အမုန်းတွေ ရှိတော့မှာ မဟုတ်ဘဲ သင့်သင့်မြတ်မြတ်နဲ့ ချစ်တဲ့လူတွေပဲ ရှိလာမယ် … ခရစ်ယာန် သမ္မာကျမ်းစာထဲမှာ သခင်ယေရှုခရစ်တော်က “ ရန်သူကို ချစ်ပါ ” အကောင်းဆုံးကတော့ ရန်သူကို ချစ်ဖို့ ပေါ့နော် … ဒါပေမဲ့ လက်တွေ့ကျင့်သုံးနိုင်တဲ့ လူနည်းပါတယ် … နောက် ဗုဒ္ဓကျမ်းတွေထဲမှာ၊ တရားတွေထဲမှာ ဗုဒ္ဓတရားကို အမှီပြုပြီး ဖြစ်ပေါ်လာတဲ့ စကားပုံတွေထဲမှာ “ချစ်စကို ရှည်စေ၊ မုန်းစကို ရှည်စေ” …ဒီစကားပုံလေးအရ ကျင့်သုံးရင်တော့ ကောင်းတာပေါ့နော် …ဒါပေမဲ့ လက်တွေ့ကျင့်သုံးဖို့ကျ ခက်နေပြန်တယ် … ဒါကြောင့် လူသုံးများ နှုတ်ခမ်းများရဲ့ ဘူတာကြီး “အတတ်နိုင်ဆုံး ”ပေါ့နော် … ဟုတ်တယ် …အတတ်နိုင်ဆုံး ငြိမ်းချမ်းရေးယူရမယ် … ရန်သူကိုလည်း ချစ်တတ်အောင် ကြိုးစားရမယ် …ဒါပေမဲ့ ရန်သူကို ခွင့်လွှတ်တတ်အောင်ပဲ ကြိုးစားကြည့်ရင်ကိုပဲ တော်တော်လေးကို ခက်ခဲနေပြီ။ ကြွားတာ မဟုတ်ပါဘူး …ပြောရရင် ကျွန်တော့်ကဗျာကို လူတစ်ယောက်က သူ့ကဗျာလိုလိုနဲ့ ခိုးပြီး အများသုံးဆိုဒ်တစ်ခုမှာ တင်ဖူးတယ် …ဖြစ်ချင်တော့ အဲဒီဆိုဒ်မှာ ကျွန်တော်အဲဒီကဗျာတင်ထားပြီးပြီ…တွေ့တွေ့ ချင်းတော့ အရမ်းဒေါသထွက်တာပေါ့နော် …ဒါပေမဲ့ နောက် အဲဒီလူက ပြန်တောင်းပန်တဲ့အခါ ကျွန်တော်ခွင့်လွှတ်ခဲ့တယ် …ဒါတင်မကဘူး … သူငယ်ချင်းဖြစ်ဖို့တောင် ကမ်းလှမ်းခဲ့ပါသေးတယ် …။ နောက်တော့ ကျွန်တော်စဉ်းစားတယ် …ငါ ဒီလူကို တကယ်လို့ ခွင့်မလွှတ်ဘူးဆိုရင် …ဆိုတဲ့ အတွေးနဲ့။ သူလည်း ကျွန်တော့်ခွင့်လွှတ်မှုကို မရဘဲ တသက်လုံး အဲဒီစိတ်က သေရာပါသွားနိုင်တယ် …ဒါကြောင့် သူ့ဘက်က အကျိုးယုတ်မယ် …(ဒါသူ့ဘက်က) နောက် ကျွန်တော့်ဘက်က ခွင့်လွှတ်လိုက်ရင် သူက ကျွန်တော့်ကို ကျေးဇူးတင်မယ် နောက် လေးစားရင် လေးစားမယ် ..ဆိုတာက ကျွန်တော့်စိတ်ဓာတ်ပေါ့နော် …(လေးစားခံရချင်လို့ လုံးဝခွင့်လွှတ်တယ် လို့ ပြောခဲ့တာ မဟုတ်ဘူး … ကျိန်ဆိုမှုနဲ့ ကျွန်တော့်စကားတည်ရတာထက် ကျွန်တော့်အပေါ် စာဖတ်သူရဲ့ ယုံကြည်မှုကို အရင်းတည်ပြီး ကျွန်တော့်စကားတည်ပါစေ)ဆိုတော့ သူ ကျွန်တော့်ကို (အဲဒီဆိုဒ်မှာ ကျွန်တော့်လို ကဗျာရေးတဲ့လူ အများကြီးလေ) ကဗျာရေးတဲ့လူတွေ အများကြီးထဲမှာမှ သတိထားမိလာပြီး ကျွန်တော့်စာတွေ ဖတ်ပေးလာမယ် … အမာခံပရိသတ်တစ်ယောက်တော့ ရလာမှာပဲ … ဒါက တချက် …နောက်တစ်ချက်က ကျွန်တော်က် ခွင့်မလွှတ်လိုက်ဘူးဆိုရင် တစ်သက်လုံး ဒီခွင့်မလွှတ်ဘူး ဆိုတဲ့ ဝန်ကြီးကို ထမ်းထားရသလို ဖြစ်နေမှာ … ဒါကြောင့် ဒီအတိတ်ကြီးကို သတိရလာမယ် …နောက် ငါဘာလို့ ခွင့်လွှတ်တယ် လို့ မပြောခဲ့တာလဲ သူတောင်းပန်ရဲ့သားနဲ့ ဆိုတဲ့ မေးခွန်းလေးတွေက အနည်းနဲ့အများ စိတ်တစ္ဆေရိုင်းတစ်ကောင်လို ခြောက်လှန့်လာမယ် ဆိုပါတော့ …ဘယ်သူနစ်နာပါသလဲ … နှစ်ယောက်စလုံးပါပဲ … ဒီတော့ ကျွန်တော်ပြောတဲ့ အဓိပ္ပာယ်က အရာအားလုံးကို ပြီးပြီ ဆိုတဲ့ သဘောပိုက်ထား ကြပါ … ခရစ်ယာန်ဘာသာရေးအရပဲကြည့်ကြည့် … ဗုဒ္ဓဘာသာရေးအရပဲကြည့်ကြည့် ဒါဟာ လုံးဝကို တရားနည်းလမ်းကျပါတယ် … ဆန်စင်ရာကျည်ပွေ့လိုက် ဆိုသလို ကျွန်တော့်စကားကို ပြန်ပြောရမယ် ဆိုရင် တရားဆိုတာက အမြဲတမ်းအေးမြ ပါတယ် … အဲဒီအေးမြဖို့က အဲဒီတရားအပေါ် ကိုယ့်ရဲ့ ယုံကြည်မှုအရလည်း မူတည်သေးတယ်(စကားချပ်ပါ)…။ ဆိုတော့ အဖြေကို ကြည့်လိုက်ရင် အဓိက က ရန်သူမရှိဘဲ ချစ်သူခင်သူပဲ ရှိဖို့ … ကိုယ့်ဘက်ကလည်း စိုက်ထုတ်မှုလိုအပ်တယ် … အဲဒီအခါ ကိုယ်က အထက်မှာ ပြောခဲ့ပြီးသလို လူအားလုံးအပေါ် ကောင်းနေရင် (ဦးစားပေး) မရှိဘူးဆိုရင် ကိုယ့်မှာ သူငယ်ချင်းကောင်း (သို့) မိတ်ဆွေကောင်းဆို တာ လုံးဝကို ဖြစ်ပေါ်လာမှာ မဟုတ်ဘူး …ဆိုတော့ ကိုယ်အထီးကျန်လာတဲ့အခါ ဘယ်မှာလဲ ရင်ဖွင့်စရာ …ကဗျာရေးတဲ့ ကျွန်တော့်လို(ကဗျာဆရာမဟုတ်ပါ ကဗျာကို ချစ်၍ ရေးနေခြင်းသာ) လူတွေတောင်မှ ကဗျာဆိုတာ ဘယ်လိုပဲ ရင်ဖွင့်ဖွင့် သက်မဲ့တစ်ခုလို့ ပြောလို့ ရတယ် …ကဲ ..သက်ရှိတစ်ယောက်ကို ပြောချင်လာမှာပဲ …စကားပြောစရာ ရှာလာမှာပဲ … ကိုယ်ပြောရင် ပြန်ပြောစေချင်မှာပဲ … အားပေးစေချင်မှာပဲ … ဒါတောင် အထီးကျန်နေတဲ့အခါမှနော် တခြား အရေးတကြီး သေရေးရှင်ရေး အကူညီလိုအပ်တဲ့အခါကျရင် စဉ်းစားကြည့်ပါ … မိတ်ဆွေကောင်း မရှိရင် … ဘာတွေ ဖြစ်လာမလဲ … ဆေးပညာအရ ကြည့်မယ်ဆိုရင်လည်း ကျွန်တော်လို ၁၅ နှစ်သား ကလေးတောင်မှ တွေးမိတာက အထီးကျန်တဲ့ စိတ်က ကြာလာရင် စိတ္တဇ ဖြစ်လာနိုင်တယ် … ကဲ … အထီးကျန်တဲ့အခါ ခံစားမှုလေးပေါ့နော် …ဒါကြောင့် ကျွန်တော်ပြောလိုတာက ချစ်သူခင်သူ ရှိဖို့ အားလုံးအပေါ်ကောင်းပါ …ဒါပေမဲ့ ဦးစားပေးတော့ ရှိနေပါစေ …အဲဒီဦးစားပေးအပေါ် ပြုသမျှကောင်းမှုတွေကိုလည်း တခြားသူအပေါ် လွယ်လွယ်နဲ့ မပြုမိပါစေနဲ့ … အဲဒီဦးစားပေး ကိုလည်း သူ့ပေါ် ဦးစားပေး အရေးထားကြောင်း ခဏခဏမဟုတ်ဘဲနဲ့ ရံဖန်ရံခါ ပြောပြပေးပါ … ဒီနေရာမှာ ကိုယ်နဲ့စာပြီး နာတတ်တယ် ဆိုတဲ့ စကားအရ ကျွန်တော့်ကို ကျွန်တော် ပြန်တင်ပြပါရစေ …ကျွန်တော်ဟာ (ကြွားတာလုံးဝမဟုတ်ပါဘူး) ရုပ်မချောရင်တောင်မှ အမြဲပြုံးပြုံးရွှင်နဲ့ အပြုံးချိုတတ်တဲ့ လူတစ်ယောက်ပါ … လူတိုင်းကိုလည်း ပြုံးပြုံးလေး ဆက်ဆံတာပေါ့နော် …ဆိုတော့ ပြောချင်တာက လူတွေအားလုံးက ကျွန်တော့်ကို ကြည့်မရတာ မရှိကြဘူး(ခြွင်းချက်အနေနဲ့ – လေကန်ပြီး အတော်မသတ်တတ်တာ တစ်ခုကြောင့်တော့ တခါတလေ သူငယ်ချင်း(အရင်းမဟုတ်ပါ)တွေက မျက်မုန်းကျိုးပြီး ချွတ်တတ်ကြပါတယ်။ ) ဆိုတော့ ကျွန်တော်ဘာလုပ်လဲ … ဦးစားပေး တစ်ယောက်ကိုထားတယ် အရင်တုန်းက နှစ်ယောက် ပဲ။ အခုတော့ အဲဒီတစ်ယောက်က နည်းနည်းအေးတိအေးစက်ဆန်လာတော့ တစ်ယောက်ပေါ့နော် .။ အဲဒီကျွန်တော့်ဦးစားပေးတစ်ယောက်ကို ကျွန်တော်က အထီးကျန်တဲ့အခါ အကူညီလိုတဲ့အခါ စကားပြောချင်တဲ့အခါ စကားတွေ ပြောတယ် ဘာတယ်ပေါ့နော် … ကောင်းလိုက်တာဗျာ …သူကိုယ်တိုင်ကလည်း ကျွန်တော့်ကို သည်းခံတယ် …အားပေးတယ် …သူ့အကောင်းဆုံး သူငယ်ချင်းအဖြစ်လည်း လက်ခံတယ် …(တစ်ခုတော့ ရှိတာပေါ့ အသက် ၈ နှစ်ဝန်းကျင်လောက် ကွာတော့ တခါတလေ စချင်သော်လည်း အကြီးနဲ့ ငယ်စည်းလေးတော့ ထားရတယ်)…ဒါကြောင့် ကျွန်တော်ပြောချင်တာက ဦးစားပေး သူငယ်ချင်း ထားကြပါ …ဆိုလိုတာက အဲဒီဦးစားပေး တစ်ယောက်ကိုပဲ ကောင်းရမယ် လို့ ပြောတာ မဟုတ်ဘူး …လူသားအားလုံးအပေါ် အတတ်နိုင်ဆုံး ကောင်းပြပါ …ဦးစားပေးလည်း ထားကြပါ လို့ သာ ပြောချင်ပါတယ် …ဒီစာကို ရေးတဲ့အခါ အဓိက ရည်ရွယ်ချက်က ကျွန်တော့်ဆိုလိုရင်းကို နားလည်နိုင်ပြီး လိုက်လံကျင့်သုံးနိုင်ဖို့ပဲ … နောက် အကြောက်ဆုံးက ကျွန်တော်မရေးတတ်တာကြောင့် တလွဲတွေးပြီး ကျွန်တော့်စာက အဆိပ် ဖြစ်သွားမှာပဲ … ကလောင်သွားက ဓားသွာထက်ထက်တယ် ဆိုတဲ့အတိုင်း … အဆိပ်တကာ့ အဆိပ်ထဲမှာ စာပေအဆိပ်က ရှင်လျက်နဲ့ အသံတိတ်လူကို နှိပ်စက်ညင်းပန်း တဲ့နည်းပဲ …ကြောက်စရာကောင်းဆုံး အဆိပ်ပေါ့နော် … ဒါကြောင့် ဒီစာလေး စာပေအဆိပ် မဖြစ်ပါစေနဲ့ ဆုတောင်းရင်းကိုယ်နဲ့ စာပြီး အားပေးလိုက်ပါတယ် ခင်ဗျာ …
ဖတ်ရှုသူတိုင်း အဆုံးထိဖတ်ပေးတဲ့ အတွက်ကြောင့် ကျေးဇူးတင်ပါတယ် …

သဘောပေါက်နိုင်ကြပါစေ …
လျံနိုး

ဗီးနပ်စ်၏ သမီးပျိုအား - ရည်စူးကျောက်စာများ

ငါရှာနေတာ ကဗျာမဟုတ်ဘူး ...
ငါ့ဘဝတစ်လျှောက်ပြိုးပြိုးပြက်ပြက်နဲ့ ...
အပြိုင်အဆိုင်လင်းလက်ကြမယ့် နေမဝင် ကောင်းကင်တစ်ခု ...

ငါရေးနေတာ ကဗျာမဟုတ်ဘူး ...
လူတိုင်း အမြတ်တနိုးထားနေတဲ့
ရတနာသိုက်ကြီးတစ်ခုအကြောင်း ...

ငါဖယ်တွယ်နေတာ ကဗျာမဟုတ်ဘူး ...
အလှဘုရင်ဗီးနပ်စ်ရဲ့ သမီးပျိုအတွက် ထွန်ယက်စိုက်ပျိုးထားတဲ့ ...
မရင့်မှည့်သေးတဲ့ လှပျိုမှုတွေ ...
(၂)
ငါ့ကို လှဲပြိုလိုက်ပါ ကောင်မလေးရာ ...
သူစိမ်းဆန်တဲ့ အရေးအသားတွေနဲ့ ငါ့ကလောင်တွေကို
ရိုက်ချိုးပစ်လိုက်စမ်းပါ ...

နောက်ထပ် ငါ့ကို ...
မျက်ရည်နဲ့ ဂမ္ဘီရဆန်ဆန် အကြည့်တွေသာ
အပ်နှင်းလှည့်ပါ ...

ဒီကောင် ...
အသည်းကွဲသမားရဲ့ ကြမ်းပြင်မှာလေ ...
နှင်းမကြွေဘူး ...
မိုးမဝေဘူး ...
နေမသာဘူး ...
ခပ်ဖျော့ဖျော့မျက်ရည်တွေကတော့ အချိန်တိုင်းအတွက်ပေါ့ ...
အဖြူရောင်တစ်စင်း ပက်ပင်းတိုးမိရင်လည်း ...
ဒီကောင်မျက်လုံးက ငိုမှာပဲ ...
အနီရောင်တစ်လုံး ပြုံးတာတွေ့မိရင်လည်း ...
ဒီကောင့်မျက်ရည် ပြိုမှာပဲ ...
ဆက်လက်ပြီး ဒီကောင်ကတော့ ...
အချိန်တိုင်းအတွက် ...
“ပါးပြင်နှစ်ဖက်ရဲ့ စိုစွတ်ခြင်း ...” ပဲ ...။
(၃)
နံပါတ်စဉ်မတပ်ရသေးတဲ့ ရာသီသုံးပါး ...
ပြုံးထားစမ်းပါ ...
အမြဲလိုလို ...
သစ်ရွက်တွေပေါ်မှာ ပြိုလဲနေတဲ့ ငါ့အတွက် ...
အမြစ်ကြီးကြီးတစ်ခုကို ဆုပ်ကိုင်ထားဖို့ ဆိုတာ...
လုံးဝမဖြစ်နိုင်ဘူး ...
မိုးတိမ်တစ်ပွင့်ချင်းစီကို နာမည်ခေါ် ...
လို့ ...
တကယ်တော့ ငါဟာ ...
စိုစွတ်ခြင်းရဲ့ အသည်းကွဲသူ တစ်ယောက် ...
ငါ့အတွက် ကဗျာဟာ လိုအပ်လာတယ် ...
နေရာအနှံ့က ကောင်းကင်အချပ်စီတိုင်းကို ...
တစ်ချပ်စီ ...တစ်ချပ်စီ ...
တလှပ်လှပ်ခွာရင်း ...
ကောင်မလေး ...
လမ်းခွဲတဲ့နေ့က ငါ ...
မျက်ရည်တွေပေါ် သီချင်းတွေကျူး ...
ကောင်းကင်တစ်ခုနဲ့ ကခုန်ရူးခဲ့ရတယ် ...
ဆက်လက်မွေးဖွားလာတဲ့ ငါ့မနက်ခင်းတိုင်းဟာ ...
နေခုနစ်စင်းတို့ရဲ့ တည်နေရာ ...
တစ်ခုလို ...
စပ်လောင် အိုက်ကြောင်တယ် ...
(၄)
ဒီတော့ ...
ကောင်မလေး ...
မင်းနားလည် ...။...။...
အသည်းကွဲတဲ့ လူမှာ ဘယ်တော့မှ ...
ဦးဏှောက်မရှိဘူး ...
သူဟာ ...
ကိုယ့်မျက်ရည်ကို ပြန်သောက်သုံးနေတဲ့ လူတစ်ယောက် ...

နွေ

ခြေတင်ရာခုံတစ်ခုံမှာ ...
ငါ့ကဗျာတွေ မီးတွေ တောက်လောင်ကျရှုံးနေလေရဲ့ ...
အချက်ပေး ဥဩသံတွေလည်း ဆူလို့ ...ညံလို့ ...
အီလို့ ...

အိပ်မက်ပုလင်းတွေထဲ ...
ငရဲပြည်မှာ မွန်းတည့်တဲ့ နေခုနစ်စင်းကို
လောင်းထည့်ခဲ့ရတာ ...
ကောင်မလေးရေ ...
ငါ့ကို ...
နေပူကြဲကြဲတွေထဲက ကယ်တင်ပါ ...
လောင်မြိုက်ပွက်ဆူခြင်းတွေထဲက ရွေးနှုတ်ပါ ...
ချွေးသီးတွေ ဝတ်ဆင်ထားရတာ ...
အရေပြားတွေ ပြာကျတော့မယ် ...
ဦးဏှောက်တစ်ခုလုံး မီးကျွမ်းတော့မယ် ...
နင် သိလား ...
ကောင်မလေး ...
နင် ဘယ်မှာလဲ ...
ငါ မမေးတော့ဘူး ...
နင့်အစား ...
မြောက်ပြန်ဆောင်းလေးတစ်ရာသီသာ ...
တစ်နာရီစာ ...
တိုက်ကျွေးလှည့်ပါ ..
နင့်ကိုငါ ...
လွမ်းနေတဲ့အချိန် နင့်ရယ်သံလေးကို
ဆာမွတ်နေသလောက် ...
အခုချိန် တစ်နာရီစာပဲဖြစ်ဖြစ် ...
ဆောင်းတစ်ရာသီသာ ...
ရင်ခွင်မှာ ပွင့်ကြဲနေတဲ့ နွေတွေအတွက် ငါဆာမွတ်တယ် ...

ဒိုင်ယာရီ

ဒိုင်ယာရီပေါ်က နာမည်တစ်လုံး ...
လွတ်ကျပေါက်ကွဲသွားတယ် ...
ဒိုင်ယာရီစာမျက်နှာတွေကို စိုစွတ်စေခဲ့ပြီးတော့ ...

နောက် တစ်လုံး ...
တစ်လုံးပြီး တစ်လုံးပါပဲ ...
ကဗျာတွေပေါ်က ...
ဓားသွားဆန်စကားလုံးတွေပေါ်က ...
မထင်မှတ်တဲ့အချိန်မှာ ဝုန်းဒိုင်းကြဲခုန်ချသွားကြတယ် ...
....................................
အထက်ပါ အဆိုကို ...
ငြင်းဆန်အား ခပ်ပြင်းပြင်းနဲ့ ...
နာမည်တစ်လုံးတော့ ...
အခုထိ ငါ့ကျောပြင်တွေပေါ် တွယ်ကပ်ချိုသာနေတုန်းပဲ ...
ပျားရည်အတိတ်တပိုင်းတစနဲ့ ဆိုပါတော့ ...

ဆန့်ကျင်ဘက်များတဲ့ လောကကြီး ...
ငါ့ကိုတော့ ကွက်ပြီး မျက်နှာသာ မပေးရဲပါဘူး ...
အထက်ပါ အဆိုနဲ့ ဆန့်ကျင်ဘက် စကားလုံးတွေနဲ့ပေါ့လေ ...
ဒုက္ခထက်ခါးတဲ့ တရားမှန်ကန်မှု ...
ဖြောင့်မတ်မှု ...
ဘက်မလိုက်မှု ...
တို့ကြောင့် ...
ချစ်တတ်သော ...
ငါလည်း သူ့ဒိုင်ယာရီထဲက ...
ဘယ်တော့ အငွေ့ပျံမလဲ .....
...........................
မသိဘူး ...

ကဗျာတွေကိုပဲ ...
ရင်ခွင်ထဲ ဖို့သိပ်ထည့်လိုက်တော့တယ် ...
(ဤကဗျာခေါင်းစဉ်အား ရိုးရိုးလေးအမည်တပ်ပေးသော
facebook မှ မနွယ်နီကျော်အား အထူးပင် ကျေးဇူးတင်ရှိပါကြောင်း)

“ဘဝရဲ့ ကလောင်ရှင် ”

ဖုတ်တိုက်ကဝေသက်ပြင်းတွေ အတွဲလိုက်အခိုင်လိုက်
မြေပြင်ပေါ်ကို ...
တရွေ့ရွေ့ပြုတ်ကြွေကျတယ် ...
ချွေးသီးချွေးပေါက်တွေ ဝတ်ဆင်ထားရတာ ...
တကိုယ်လုံး မိုးကျရေကိုယ်ဖြစ်နေပြီ ...
မြောက်ပြန်လေလေးကို တစ်ချက်လောက်ပဲဖြစ်ဖြစ်ကွာ ...
မွတ်သိတ်ဆာလောင်လွန်းလို့ပါ ...
စကားလုံးတွေ ရှာကြံပြီး အကြောင်းပြချက်ကို
ပစ်ပေါက်ဖို့တောင် ဒီနှုတ်ခမ်းတွေ ခြောက်ကပ်နေလွန်းလို့ပါ ...
အရင်က မျက်စိပဒသာဖြစ်စရာ မြင်ကွင်းတွေ
ငါ့ရှေ့မှာ အတိုင်းသား လွင့်ကြဲနေလည်း ...
ရေတပေါက်လောက် ငါဘာကိုမှ ...
မမက်မောတော့ပါ ...
....................................
အဖေ ...
အဖေမရှိတဲ့ အဲဒီည...
အိပ်မက်ကိုက ပုတ်သိုးပြီး ရာဇဝင်ထဲက
စုန်းမဆန်လွန်းပါတယ် အဖေ ...
အဖေမရှိတော့လေ ...
ကျွန်တော့်ကောင်းကင်ကြီး ...
“ဝေါ” ခနဲ ပျောက်ဆုံးသွားသလိုပဲ အဖေရေ ...
နေမင်းတွေ ဘယ်လိုလုပ် ပျောက်ကွယ်လျှိုးဝင်သွားလဲ ...
မသိရလောက်အောင်ပဲ ...
အဖေရယ် ...
ကျွန်တော် တစ်ယောက်တည်း လမင်းတွေနဲ့ ညတွေပေါ်
ခပ်တည်တည်နဲ့ အလွမ်းတွေကို မသိမသာလေး
စိုက်ကြဲနေရတာ ...
စိုရွှဲနေဆဲ ကျွန်တော့်ညာဖက်ပါးပြင်လေးက လွဲပြီး ...
ဘယ်သူမှ သတိမထားမိကြဘူး ...

အဖေရေ ...
သူစိမ်းသူရံအရပ်ကနေ ...
ရင်းနှီးခြင်း ခြေလှမ်းတွေနဲ့ ပြန်လာပါ ...
ပြန်လာပါ အဖေ ...
အဖေလေ ...
ကျွန်တော့်ရှေ့မှာ ကျွန်တော့်အနာဂတ်ကြီးအကြောင်း ...
ကျွန်တော့်ကို အသက်သွင်းပြီး ...
မပြောပြခဲ့တာ ...
မရေးပြခဲ့တာ ...
မဆွဲပြခဲ့တာ ...
အတော်လေးကို ကြာနေပါပြီ အဖေ ...
အဖေ့လက်ထဲမှာ ကျွန်တော့်အတွက် ဇာတ်ညွှန်းတွေရှိတယ် ...
ဒါပေမဲ့ အဖေ ကျွန်တော့်ရှေ့မှာ မရေးတာ ကြာပြီ ...
အဖေ့လက်ထဲမှာ ပြိုးပြိုးပြက်ပြက် လင်းလက်နေတဲ့
ကျွန်တော့်အနာဂတ်တွေ ရှိတယ် အဖေ ...
ဒါပေမဲ့ အဖေ အမှောင်ချထားခဲ့တာကြာပြီ ...
အဖေ့လက်ထဲမှာ ...
မပြီးဆုံးသေးတဲ့ ကျွန်တော့်ကဗျာတွေ ရှိတယ် အဖေ ...
ဒါပေမဲ့ အဖေ စကားလုံးတွေ သိမ်းယူသွားခဲ့တာ ကြာပြီ ...
အဖေရေ ...
အဖေ့ခြေလှမ်းတွေကိုသာ ကျွန်တော်တို့နှစ်ယောက်ကို ဆက်သွယ်နေတဲ့
ခရီးလမ်းတွေအပေါ်မှာ တင်စီးထားလိုက်တော့ ...
ကျွန်တော်ကတော့ ...
အဖေရှိရာ ...
အဖေပေးမဲ့ ကျွန်တော့် ဆက်ရန် ကဗျာတွေအတွက်
မျှော်လင့်ခြင်းတွေ ပစ်ကြဲခဲ့တာ ...
အဖေထွက်သွားတဲ့နေ့က မွေးဖွားသန့်စင်ပေးလိုက်တဲ့
နာရီအိုကြီးအသိပါ အဖေ ...

အဖေရေ ...
ပြန်လာပါ ...
အဝေးတစ်နေရာကနေ ...
ကျွန်တော်လေ ...
အဖေ့ဒသနတွေ ဝနေတဲ့ ကဗျာဦးဏှောက်တွေနဲ့အတူ ...
အဖေ့ကို စောင့်နေပါ့မယ် ...
နောက် ကျွန်တော့်မုတ်သုန်လေအေးတွေကိုလည်း ...
ပျိုးကြဲပြုပြင်လှည့်ပါ အဖေ့ရဲ့ အိမ်ပြန်ခြေလှမ်းတွေနဲ့သာ ...

ဘာပဲဖြစ်ဖြစ် ...
ကျွန်တော်ဒိုင်ယာရီစာမျက်နှာတွေ တစ်ဝက်တောင် မကျိုးသေးဘူး ...
ဒါကြောင့် ...
အဖေပြန်လာရမယ် ...

အဖေရေ ...
.....................................

“မိုးကြိုးတစ်ပစ်စာ ...”

လေပြည်ကိုမှ အမေခေါ်မိတာ ...
ခဏတာ တိုက်ခတ်မှုနဲ့
သူကျော်ဖြတ်သွားမှ
လူတစ်ယောက်လုံး ကြောင်စီစီဖြစ်သွားလောက်တဲ့အထိ
နှလုံးသား သေဒဏ်ကျသလိုမျိုး ...
စကားလုံးတွေ အထီးကျန်တယ် ...

ဒီတစ်ကောင်တည်း စကားလုံးမရှိဘဲ နေဝင်ခဲ့တာ
အခုဆို နာရီပေါင်းများစွာ ခုန်ပေါက်ထွက်ပြေးကုန်ကြပြီ ...
ဒါဟာ ...
တောင်တန်းတွေတောင် အားနာဖို့ ကောင်းနေပါပြီ ...

ကဗျာတွေက အမြဲတမ်းလမ်းဟောင်းလေးပေါ်
ငေးငိုင်ငဲ့စောင်းနေကြတာ ...
အခုဆို ...
နောက်ဆုံးခွဲခဲ့တဲ့ လမ်းလေးပေါ်
မင်ရည်တွေ စိုရွှဲလျက် ...
ငါထပ်ပြီး ...
ဆက်လက်ပြီး ...
ဘာမှ ...

ကတိုက်ကရိုက်ပွင့်နေတဲ့
ယောင်ရမ်းခြင်းအိပ်မက်တွေကိုတော့ ထိန်းသိမ်းရင်း ...

ခဏသာ တွေ့ဆုံခြင်းအတွက် ...
ကဗျာတွေ ထားခဲ့ပြီး ...
ငါနှုတ်ဆက်ခဲ့ပါတယ် ...

ကံမကုန်ခဲ့ရင် ....
..................................

တောင်းဆု

ငါထင်တဲ့ ...
တစ်ယူသန်ငါ့ယဉ်ကျေးမှု အကြောင်းပြု ...
ရိုင်းစိုင်းစွာ ကဗျာမဟေသီနှုတ်ခမ်းကို
နိဒါန်းပျိုးလိုက်ရချေပြီ ...

ဘဝမှာ ...

“...ကာမ မပိုင်မိန်းမမှန်သမျှ ...
ငါ၏ ကဗျာမြစ်တို့၌
အတုံးအရုံးလက်မြောက် ကျရှုံးကြလေသတည်း ...”

“လွမ်းမောခြင်းဟူသမျှ ငါ့အာရုံများတွင် ရှတလွှမ်းမိုးကြစေသတည်း ...”

ကမ္ဘာကြီးက လွတ်လွတ်လပ်လပ်နဲ့
ကိုယ့်ကိုကိုယ် ဖြန့်ခင်းကာ
အပြတ်သတ်ကျယ်ပြန့်ပြနေလေရဲ့ ...
အဲဒီလို ပြန့်ကျယ်မှုတွေထဲ ...
တစ်ယောက်ကို တစ်ယောက် ...
လွတ်လပ်မှုကို
မျှဝေမယူ ...
နယ်နိမိတ်တစ်ခုထဲမှာပဲ ...
ကိုယ့်အငွေ့အသက်ကိုယ်စီနဲ့
လှည့်လည်ပစ်ဝဲနေကြတယ် ...
(၂)
မထင်မှတ်သလို ...
မထင်မှတ်တဲ့ အချိန်မှာ ...
မထင်မှတ်တဲ့ မျက်ဝန်းတစ်စုံနဲ့ ပွတ်တိုက်ထိရှမိခဲ့တဲ့
ငါ့နောက်ကျောရဲ့ အစိတ်အပိုင်းလေးတခြမ်း ။...
သံယောဇဉ်မီးပွားလေးတွေ ...
နှစ်ယောက်သား ညှိယူလောင်စာဖြည့်ခဲ့ကြတယ် ...
ဩော် ...
မိန်းကလေးရယ် ...
ငါလည်း လူထဲက လူပါပဲကွယ် ...
ငါတို့လက်တွေက ...
သံယောဇဉ်မီးတွေကို ဆုပ်ကိုင်ထားဖို့
မပူလောင်ခဲ့ဘူး ...
ဒါပေမဲ့ ရင်ခုန်သံတွေတော့ ...
တဟုန်းဟုန်းချီလို့ အပြင်းစားသတ်ပုံထိ
တောက်လောင်ခဲ့ကြတယ် ...
မင်းဟာလည်း ငါလိုပဲ ...
လူတစ်ယောက်ပဲကွယ် ...
ငါ့တို့ နှစ်ယောက် ...
တစ်ယောက်ကို တစ်ယောက်မငြင်းဆန်နိုင်ခဲ့ဘူး ...
(၃)
ဘယ်လို အခြေအနေတွေပဲ ...
ဟောင်းဆွနေတဲ့ ငါ့ဒိုင်ယာရီတွေထဲ ရှိခဲ့ ... ရှိခဲ့ ...
သေချာတစ်ခုကတော့ ...
အခုလောလောဆယ် ငါဟာ ...
တစ်ယောက်တည်းပါပဲကွယ် ...
တစ်ယောက်တည်းဟာ တစ်ယောက်တည်းပဲ ...
ဘယ်တော့မှ နှုတ်ခမ်းက လေးစုံလောက်ဖြစ်လာနိုင်မှာမဟုတ်ဘူး ...
တစ်ကိုယ်တည်းဟာ တစ်ကိုယ်တည်းပဲ ...
ဘယ်တော့မှ ရေးစရာကဗျာဟာ ...
ပျော်ရွှင်မြိုင်ဆိုင်လာမှာ မဟုတ်ဘူး ...
ပဲ့တင်သံတစ်သံဟာ ဘယ်တော့မှ ...
ပါးစပ်ထဲမှာ အပြန်အလှန်ကြားရမှာ မဟုတ်ဘူး ...
ညတွေမှာ ခွေးတွေ ပိုအူတယ် ...
ကောင်းကင်ဟာ တပြင်တည်း ...
ဒါပေမဲ့ ငါတစ်ကောင်တည်း ပွင့်နေရတယ် ...
မိန်းကလေး ...
မွေးကတည်းက ...
ငါဟာ တစ်ယောက်တည်း မဖြစ်ချင်ခဲ့ဘူး ...
ဒါကြောင့် ...
ငါ့ဆုတောင်း နင့်ကြောင့် အပြည့်အစုံတော့ ...
မပျက်ယွင်းခဲ့ပါဘူး ...
(၄)
ဘာပဲဖြစ်ဖြစ် ...
တွေ့ချင်တယ် ...
စိတ်ကူးတွေ တွေ့ဆုံခြင်းဆီ အတိုင်းသား
လွင့်ကြဲနေတယ် ...
မိန်းကလေး ...
ငါလေ မင်းမျက်ဝန်းတွေဆီပဲ ...
ကုန်ဆုံးခဲ့တဲ့ လမ်းဟောင်းလေးလေ ...
နင့်ခြေရာတွေ ငါသွားရှာတယ် ...
ဂမ္ဘီရအပြုံးတွေ ကျိုးတိုးကျဲတဲ စိုက်ကြဲထားတာတွေကလွဲလို့ ...
ငါ ...
ဘာမှ မတွေ့ခဲ့ဘူး ...
ငါ မင်းကို တွေ့ချင်တယ် ...
ဘာပဲဖြစ်ဖြစ် တွေ့ဆုံခြင်းတွေ စိုက်ကြဲလှည့်ပါ ...
တွေ့ချင်တယ် ...
တွေ့ချင်တယ် ...

“ဝေး ...”

အပြုံးတစ်လက်နဲ့ ...
နှုတ်ဆက်ခဲ့တာ ကြာပြီ ...

ရင်ထဲမှာတော့ ...
မိုးတွေ ဖြိုင်ဖြိုင်ရွာလို့ ကောင်းလာတယ် ...
သီချင်းတွေ မြိုင်ဆိုင်ဆွေးမြေ့ကြေကွဲတတ်လာတယ် ...
စကားလုံးတွေ ရှာကြံ ကောက်စု ...
အကြည့်တစ်စုံကို ရဖို့ မျှော်လင့်တတ်လာတယ် ...
အိပ်မက်တွေနဲ့ အတိတ်ကို ...
သူ့အသံလေးကြားရဖို့ ကြိုးညှိသီဆိုတတ်လာတယ် ...
လွန်ခဲ့တဲ့ နောက်ဆုံးလမ်းခွဲချိန်ကို ...
နှုတ်ခမ်းပါးလေး အပေါ်အောက် နှစ်ထပ်ကို ချဲ့ပြီး
ထုတ်ကြည့်တတ်လာတယ် ...
တစ်ရွက်တည်း လွင့် ...
တစ်လှေတည်း စီး ...
တစ်ယောက်တည်း ညည်း ... ရင်း ...
ဂူသားဆန် ... အုတ်ဂူဆန် ... သချိုင်းဆန် ...တဲ့
အဖော်မဲ့ ပဲ့တင်သံ
ကဗျာတွေကို သူ့ဆီပို့ပို့ပေးတတ်တယ် ...
ကြယ်စင်လေးတွေ ဆီကနေ တစ်ဆင့် ...ပေါ့လေ ...
သူ့အကြောင်းတွေးမိတိုင်း ...
ကဝေအဆိပ်သင့်တဲ့ လက်ချောင်းလေးတွေကို
ထိုင်ထကခုန်ခိုင်းပြီး ...
သူနဲ့ နီးပြီ ... လို့ ပျော်နေတတ်လာတယ် ...

သူနဲ့ တွေ့ရင် ...
အန်ချခင်းပြဖို့ ကဗျာတွေ များစွာ ...
သိုဝှက်သိမ်းဆည်းထားပါတယ် ...

“နှစ်မျက်နှာနဲ့ လူ ...”

အနမ်းကဝေတွေကို လက်သင့်ခံဖို့
ငါ့မှာ ရင်ခွင်နှစ်စုံမရှိဘူး ...
ဒါပေမဲ့ ...
ငါ့ညတွေမှာ ကြယ်မဝေတော့ ...
လမင်းတောင် မသာတဲ့အခါ ...
ငါ့ကိုယ်ငါ ...
ကိုယ့်လိပ်ပြာကိုယ် ပြန်ကြောက်ရွံ့သွေးပျက်နေမိတယ် ...

လမ်းတွေဟာ အရင်ထက်ပိုပြီး ...
အသည်းကွဲသမားတစ်ယောက်လို
ခြောက်သွေ့အထီးကျန်ဆန်လာတယ် ...
မသာတော့တဲ့ နေတစ်စင်းဟာ ...
ဝမ်းပိတ်နေတဲ့ လူတစ်ယောက်လို နှုန်းချိနေတော့တယ် ...

သန်းခေါင်ဆိုတဲ့ အဓိပ္ပာယ်ဟာ ...
မိုးကြိုးမချုန်းဘဲပစ်ချထားတဲ့ အစိမ်းသေတစ်ကောင်လို ...
မည်းတူးဆိတ်ငြိမ်နေတယ် ... လို့
အဓိပ္ပာယ်ပြည့်စုံလာတယ် ...
ငါက ...
ပြူးတူးပြဲတဲထိုင်လို့ပေါ့လေ ...
သန်းခေါင်ဆိုတာကို အဓိပ္ပာယ်သီကုံးတတ်သွားတယ် ...

(၂)

ငါ့ကို တွယ်ကပ်သူနဲ့ ...
ငါ့က တွယ်ကပ်သူနဲ့ ...
စကားတွေက ပင်လယ်ပြင်ထက်ကို
မာယာများလာတယ် ...

ငါ့ကို မျှော်ကြည့်တဲ့ သူနဲ့ ...
ငါက မျှော်ကြည့်တဲ့ သူနဲ့ ...
ရင်ခွင်ဟာ ...
ပြဒါးတစ်လမ်း ...
သံတစ်လမ်း ...နဲ့
ကောင်းကင်လို တစ်စုတည်း မဟုတ်တော့ဘူး ...
တိမ်တွေလို ကောင်းကင်တစ်ပြင်ကြီးထဲမှာပဲ ...
အရပ်ရပ် ... ရယ်လို့
တောင်တလမ်း၊ မြောက်တခြမ်း ကွာဝေးလာတယ် ...

စိတ်ထဲမှာတော့ ...
ရွာရိုးကိုးပေါက်အတွေးတွေနဲ့ ...
ဗျာများနေဆဲ ...
အကြည့်တွေထဲမှာလည်း ...
အပြုံးနှစ်စင်းဟာ ခွာသံကိုယ်စီနဲ့
စီးချင်းထိုးနေကြတယ် ...

ကဲ ...
ဝဲယာနှစ်ဘက်စလုံးဟာ ...
? တစ်ခုစီကို ဆုပ်ကိုင်ထားလျက် ...
............................