“နယ်နိမိတ် ...”

တိမ်ငွေ့တွေလို ကောင်းကင်အနှံ့ ...
ရာဇဝင်ဆန့်ချင်တယ် ...
ဒီမိုးကုပ်စက်ဝိုင်းထောင့်ချောင်လေးထဲမှာ
တစ်ယောက်တည်းနေပြီး
ဆည်းဆာတွေကိုပဲ အချိန်တန်သဘောနဲ့
နိစ္စဓူဝမနောကြီးပိုက်ပြီး
ရှုရှိုက်သွင်းနေရတာ အီသွားပြီ ...
အရုံဦး ...ဆိုတာ ...
ဘာလဲ သိရဖို့ ငါ့ခြေလှမ်းတွေ
ကောင်းကင်ကြီးတစ်လျှောက် ...
အပြတ်ကျူးချင်မိပါရဲ့ ...။...။...

လေပြည်ခရီးကြောင်းတစ်လျှောက်
ရနံ့တစ်ခုလို ...
နှုတ်ခမ်းတစ်စုံနဲ့ ပါးပြင်အကုန်
လိုက်လှည့်ကာ ...
ခိုးနမ်းချင်မိတယ် ...
အခန်းကျဉ်းလေးထဲမှာပဲ
လွတ်လွတ်လပ်လပ်ကဲပွင့်နေတဲ့ ငါ့ဝတ်မှုန်တွေ ...
နံရံတွေကို ခဏခဏထိုးဖောက်ရတာ
ငါ့ဆူးတွေ နာတယ် ...
နှင်းဆီဖြစ်သော်ငြားလည်း
ဥယ်ာဥ္ထဲ ပြင့္ခြင့္မရတဲ့ ဘဝ ...
နယ်နိမိတ်တွေကို ဖဲ့ချိုးပြီး
ငါ့အတွက် အသစ်အဆန်း ဝတ်မှုန်ပျိုးရှာမယ် ...။...

ရေတဆုံး ...
မြေအဆုံး ...
လိုက်လံကူးခတ်ပြီး အသစ်အဆန်း
အကောင်းအထွေ မှန်သမျှ ...
ရာဇဝင်ကြီးကို ဗန်းပြ ...
တူးဆွသင့်ရင်လည်း တူးဆွရမှာပဲ ...။...
လက်ရှိနယ်နိမိတ်ထဲကနေ ရုန်းထွက်ဖို့ အဓိက ...
ဖားတစ်ကောင်လို မျက်စိကျယ်ကျယ်ပြူးထားမှ ...
နွားခြေရာခွက်ထဲက
ဖားကလေးလိုအသိစိတ်တွေကို ဖဲ့ခွင်းဖြို ...
ရေအဆုံး ...
မြေအဆုံး ...

ရှေ့မှာ ...
နယ်မြေသစ်တွေ ...
ငါ့ကို စောင့်ကြိုနေတယ် ...
ကြိုဆိုနေတယ် ...
လက်တွေ ယက်ကမ်းခေါ်ငင်နေတယ် ...

နယ်နိမိတ်ကြီးထဲက ရုန်းထွက်လိုက် ...
ရုန်းထွက်လိုက် ...
ရုန်းထွက်လိုက် ...
ရုန်းထွက်လိုက် ...
ရှေ့ဆက် အတောင်ပံအသစ်တွေသာ ဖြန့်ထားလိုက် ...

“ပျော်ရွှင်ပါစေ ...”

ချစ်သူ ...
ဒီနေ့ဟာ မင်းအတွက်
ဟာဒယရွှင်ဆေးတစ်လုံးဖြစ်ပါစေ ...
ငါ့လက်နဲ့ မင်းနှလုံးသားမှာ
ပျော်ရွှင်ခြင်းဘုံကို မရက်လုပ်ပေးနိုင်ပေမဲ့ ...
ငါခြွေတဲ့ တောင်းဆုတွေနဲ့ ...
ရယ်သံတွေကို မင်းဝတ်ဆင်နိုင်ပါစေ ...

ချစ်သူ ...
ဒီကောင်ဟာ မင်းအတွက်
လက်တစ်စုံပါ ...
မင်းထုဆစ်ချင်တဲ့ အောင်မြင်မှုမှန်သမျှ ...
ဒီကောင်ကြီး အပွန်းပဲ့ခံ ထဆစ်ပေးမယ် ...
မင်းမလိုရင်လည်း မင်းနောက်ကွယ်မှာ
ပုန်းကွယ်ဝှက်လျှိုးပေးမယ် ...
မင်းဆီ ကျရောက်လာတဲ့
အခက်အခဲ ပြသနာမှန်သမျှ
အနာခံဖြည့်ဆည်းကာကွယ်ပေးမယ် ...
ဆိုတော့ ...
ဒီကောင့်ကိုသာ မင်းအမြန်ဆုံးဆုပ်ကိုင်လိုက်တော့ ...
ဒီကောင်လည်း မင်းကိုပဲ ဆုပ်ကိုင်ထားလိမ့်မယ် ...

ချစ်သူ ...
တိမ်လိုရာသာ လွင့်လိုက်စမ်းပါ ...
ချစ်သူပိုင်ဆိုင်တဲ့ ကောင်းကင်ကြီးတစ်လျှောက် ...
ဒီကောင့်အတွေးတွေ အုံ့ဆိုင်းနေတယ် ...
ဆိုတာကို ပြသခင်းကျင်းချင်လို့ပါ ...
ချစ်သူရေ ...

ချစ်သူရေ ...
မနက်ဖြန်ကြီးကို ဖွင့်ကြည့်လိုက်ပါ ...
ချစ်သူသာ လက်ခံမယ် ...ဆိုရင်
လေးစိပ်တစ်လုံး ...
ငါတို့ခြေလှမ်းတွေ
ပြုံးပြုံးလေးမျက်နှာထားတွေနဲ့ ...
အောင်မြင်ခြင်းတွေဆီ ရက်ရက်ရောရောကြဲလိုက်ကြမယ် ...
လာပါ ...
လက်လေးဖက်နဲ့ ရင်ခုန်သံတွေကို
ရိတ်သိမ်း ...
အောာင်မြင်ခြင်းပွဲကို ပိုင်နိုင်စွာ ကျင်းပကြမယ် ...
ချစ်သူ ...
နယ်နိမိတ်တွေကြားထဲက
လွင့်လာလိုက်စမ်းပါ ...
မင်း မနမ်းဖူးသေးတဲ့ ဆွတ်ပျံ့ရနံ့တွေက မင်းကို ...
“မင်္ဂလာပါ အဆွေ ၊ ကျွန်ုပ်တို့ သင့်နှုတ်ခမ်းကို စောင့်မျှော်နေသည် ...”
လို့ ပြောမှာ ...
မယုံရင် မင်းမျက်လုံးတွေကို ခပ်ကြဲကြဲဖွင့်ထားလိုက် ...
မင်း လမ်းကို ငါ့ဆီယိမ်းအောင် သွေထိုးပေးလိမ့်မယ် ....

ချစ်သူ ...
မြန်မြန်လေး ...
မြန်မြန်လေး ...
လေပြည်တွေ ဝေးမသွားခင်
အနောက်ကို မမျှော်ဘဲ အရှေ့ဘက်ကို ရဲရဲလျှောက်ကြစို့ ...
ချစ်သူ ...
ကိုယ်တို့ အနာဂတ်တွေ တည်ပြီ အခုကနေစ ........

“တိမ်ငိုသံ ...”

နွေခင်းကြီးတစ်ခုလုံး
လိမ္မော်ဆေးသုတ်ထားတဲ့ ညနေ ...
နေမင်းကြီး ညဝတ်လဲချိန်လည်း ဟုတ်တယ် ...
ကျွန်တော် ...
စိတ်ရှည်သည်းခံမှုကို ဝတ်ဆင်ထားရင်း ...
မျက်ဝန်းတစ်စုံရဲ့ အကောင်အထည် ...
စောင့်မျှော်ခဲ့တယ် ...

နေမင်းကြီးရဲ့ ရင်သွေးအမှောင်တိုက်တွေ ...
“ည ”ဟူလို့ရယ် ...
ကင်ပွန်းတပ်တဲ့အချိန်မှာ ...
ရင်ခုန်သံတစ်စုအားပြုပြီး
ကျွန်တော့်ရှေ့ရှုတဲ့ ကျွန်တော့်ယဉ်ကျေးမှု ...
အမည်နာမပျောက်ရှသွားတယ် ...။...
ဆိုတော့ ...
ကျွန်တော့်ဒိုင်ယာရီထဲ အလည်လာတဲ့ အဲဒီဆည်းဆာ ...
မယဉ်ကျေးခဲ့တာ ရိုင်းပျခက်ထန်ခြင်းပဲပေါ့ ...။...

လည်ဆန့်ခေါင်းမော် ...
ကျီးကန်းတောင်းမှောက်မျက်လုံးတွေနဲ့
အမှောင်တွေကို ပုတ်ကိုင်ကစားလျက်
စောင့်မျှော်ခဲ့ပေမဲ့
သူ ...
(သူ့နှလုံးသားမှာ အပြုံးမရှိဘူး ...
သူ့အိပ်မက်ဟာ မယဉ်ကျေးဘူး ...
သူ့နှုတ်ခမ်းဟာ မကြင်နာဘူး ...
သူ ...
ရက်စက်တယ်)
ခြေသံလေးတွေတောင်
ရက်ရက်ရောရော သူမပေးခဲ့ဘူး ...
ဆိုတော့ ...
ကျွန်တော့်တစ်ဖက်သတ်ချိန်းဆိုမှုလေး အမှောင်တွေမျို၊
ညခင်းထဲ ပြန့်ကြဲလေလွင့်ကုန်တာပေါ့ ...
ပြန်တွေးကြည့်ရင် ...
အရှိုက်ကို လေစုပ်ထားသလိုမျိုး နာကျဉ်တယ်...
အသက်ရှုတိုင်း အရှိုက်ခက်တယ် ...။...
ဒီချိန်းဆိုမှုလေး ...
အသက်မဝင်ခဲ့ဘူး ...
မတောက်ပခဲ့ဘူး ...
မဖြူစင်ခဲ့ဘူး ...
ပုံမလှပန်းမကျခဲ့ဘူး ...
တိမ်နဲ့တူတဲ့ ကောင်မလေး ...
ဖြူစင်သယောင်နဲ့ အဝေးကနေ
ကျွန်တော့်အနား တစ်ချက်ကလေးတောင်
မလွင့်လာခဲ့ဘူး ...။...

အိမ်ပြန်ချိန်ကြီး မဖိတ်ခေါ်ဘဲနဲ့
ရောက်လာတဲ့ အချိန်ထိ ...
ယုံကြည်ခဲ့တယ် ...
သူဟာ ...
ရယ်သံကို ပျိုးပြီး တိတ်တခိုးလာလိမ့်မယ် ...လို့ ...
အခုတော့ အဲဒီယုံကြည်မှုလေး ...
စာတစ်ရွက်ပေါ် ဖွာလန်ကြဲနေပါပြီ ...
ကဗျာတစ်ပုဒ်လို မကြင်နာတတ်တဲ့
အဲဒီမိန်းကလေးကြောင့် ...
ကျွန်တော့်အိမ်ပြန်ချိန်မှာ ...
ပါးပြင်ပေါ် ...
မိုးတွေ ...
မိုးတွေ ...
အစက်ချင်း ...အပေါက်ချင်း ...
အပြိုင်အဆိုင်ခုန်ဆင်း ကြွေကျသွားတာ ...
တိတ်ဆိတ်ကြိတ်မှိတ်ပါပဲ ...
ဒါပေမဲ့ ချုန်းပြီး ရွာတာမို့
ရက်ရက်စက်စက်ပဲ ...အရှိန်အဟုန်ပြင်းထန်တယ် ...။...

အဲဒီညနေရဲ့ ပိတ်ဖုံးကားလိုက်ကာ ...
အိပ်မက်တွေဟာ ...
ဝသန်တစ်ခုရဲ့ ရနံ့ကောင်းကင်ကြီးလို ...
စွတ်စိုထိုင်းမှိုင်းခဲ့တယ် ...။...။။။...

“မင်းပေးတဲ့ ကဗျာ ...”

အာရုံမှာ ကြည်နူးစရာ
သူ့စကားသံမရှိတော့ ...
ရင်မှာ ...
လက်တွေမှာ ...
ကဗျာတွေမှာ ...
ခြေလှမ်းတွေမှာ ...
အတွေးသံစဉ်တွေမှာ ...
အထီးကျန် ...ဆိုတဲ့ စကားလုံးတစ်လုံးတည်းက
ထင်တိုင်းကြဲနေတာ ...
အဲဒါမင်းပေးတဲ့ ကဗျာပေါ့ ကောင်မလေး ...
မင်းသိလား ...
ကောင်းကင်တွေ ရေခပ်မဆင်းတော့တဲ့
ဒီနွေရက်တွေမှာ ...
သက်တံတွေနဲ့ အတူ ...
ငါ့ဝိဥာဉ်(အမှတ်စဉ်ပျောက်ပြီး)
တစ်နေရာရာမှာ ပုန်းခိုနေတယ် ...ဆိုတာ...
အဲဒါမင်းပေးတဲ့ ကဗျာပေါ့ ကောင်မလေး ...
ထပ်အာဖျံကွီးရရင်လည်း ...
နေ့တိုင်း ညတိုင်း ...
မင်းအပြုံးတွေနဲ့ ငါ့နာရီသံတွေ
အသက်ဆက်နေရတယ် ...ဆိုတာ
ဖြန့်ကားနေတဲ့ နံရံကြီးအသိ ...။...
နောက် ...
အိပ်မက်တွေထဲမင်းခန့်ခန့်ကြီးထိုင်ပြီး
ညတိုင်း စိုးမိုးထားတာ ...
ထထယောင်ရတဲ့အထိ ...
အဲဒါလည်း မင်းပေးတဲ့ကဗျာပဲ ...
အခုဆို အင်တာနက် စာမျက်နှာတွေပေါ်မှာ ...
မင်း ပေးတဲ့ ကဗျာတွေ ...
လူတွေရဲ့ အမြင်အာရုံတွေမှာ
ကျိုးတို့ကျဲတဲ ပွင့်ဖူးလာကြပြီ ...
ကျေးဇူးပဲ ...
မင်းပေးတဲ့ ကဗျာတွေအတွက် ကျေးဇူးပဲ ...
ကျေးဇူးပဲ ဆိုတာကလည်း မင်းပေးတဲ့ ကဗျာပါပဲ ...
“နှစ်အဆက်ဆက် ငါ့နှလုံးသားထဲ
အသည်းခွဲအမိန့်ကြီး ကိုက်ငုံထားတဲ့
အပြုံးသန်လျက်နဲ့ ကောင်မလေးရေ ...” ...

“စောင့်ဆိုင်း ...”

ဘယ်တော့ ခြေဦးလှည့်လာမလဲ ...
မသိရတဲ့
လေလွင့်ကြိုးမဲ့ကော်နက်ရှင်ကို
ညရိုင်းတစ်ခုမှာ စောင့်ဆိုင်း ...
ကောင်မလေးတစ်ယောက်ကို
စကားပြောချင်တဲ့အတွက်ကြောင့်
ဖြစ်ပေါ်လာတဲ့ အလိုမကျစိတ်နဲ့ပဲ ...
တက်(တောက်)တစ်ခုကို (ခေါက်)
လေပြည်တွေထဲ လက်ဆောင်ထည့်ပေးလိုက်တယ် ...

မွေးကတည်းက မွေးဖွားပေးတဲ့
သူနာပြုဆရာမကို မော်ဖူးဖို့ စောင့်ဆိုင်း ...
နို့စို့ဖို့ စောင့်ဆိုင်း ...
ကစားရဖို့ စောင့်ဆိုင်း ...
ကျောင်းတက်ရဖို့ စောင့်ဆိုင်း ...
အတန်းပြီးဖို့ စောင့်ဆိုင်း ...
အောင်စာရင်းထွက်ဖို့ စောင့်ဆိုင်း ...
နောက်တစ်တန်းတက်ဖို့ စောင့်ဆိုင်း ...
စောင့်ဆိုင်း ....
စောင့်ဆိုင်း ...
စောင့်ဆိုင်း ...
ဆယ်တန်းလေးတော့ အောင်လာခဲ့ပါပြီ ...တဲ့...
ကောလိပ်တက်ဖို့ စောင့်ဆိုင်း ...
နှစ်ကုန်ဖို့ စောင့်ဆိုင်း ...
နောက်တစ်တန်းတက်ဖို့ စောင့်ဆိုင်း ...
တဆိုင်းဆိုင်းနဲ့ နောက်ဆုံး
အရိုးတွေ ပြိုင်းပြိုင်းထွက်သည်အထိ
စောင့်ဆိုင်းလာလိုက်တာ ...
ဘွဲ့လေးတော့ နာမည်တပ်ခံရပါပြီ ...
နောက် ...
အလုပ်ရဖို့ စောင့်ဆိုင်း ...
အလုပ်ရှင်မျက်နှာရဖို့ စောင့်ဆိုင်း ...
မ ဆီက အဖြေရဖို့ စောင့်ဆိုင်း ...
ကို့ဆီက အဖြေရဖို့ စောင့်ဆိုင်း ...
ညီမလေးဆီက အဖြေရဖို့ စောင့်ဆိုင်း ...
မောင့်ဆီက အဖြေရဖို့ စောင့်ဆိုင်း ...
သူ့ဆီက အဖြေရဖို့ စောင့်ဆိုင်း ...
တဆိုင်းဆိုင်းနဲ့ နောက်ဆုံး ...
ကဗျာရိုင်းတွေ ထွက်လာမှ ...
လက်ထပ်ဖို့ စောင့်ဆိုင်း ...
ကလေးရဖို့ စောင့်ဆိုင်း ...
ပျော်ရွှင်စရာ အိမ်ထောင်စုတစ်ခုကို စောင့်ဆိုင်း ...
မြေးလေးတွေ၊ မြေးမလေးတွေမျက်နှာ စောင့်ဆိုင်း ...

သားသမီးတွေ အိမ်ပြန်အလာ
မြေးလေးတွေနဲ့ အတူ စောင့်ဆိုင်း ...
စောင့်ဆိုင်း ...
စောင့်ဆိုင်း ...
စောင့်ဆိုင်း ...
နောက်ဆုံး ...
“...ငါဘယ်နေ့ သေရမလဲ...” ဆိုတဲ့
စကားရဲ့ အဖြေသိရဖို့ စောင့်ဆိုင်း ...
ကဲ ...
အသက်တစ်ချောင်းကို ပြည့်ဖုံးကားချလိုက်ပါပြီ ...
.......................................

ဘဝဆိုတာ ...
ယုံကြည်ရမယ် ...
ရှင်သန်ရမယ် ...
“...ငါဟာ မနေ့ကထက် ဒီနေ့
ပိုကောင်း၊ ပိုတိုးတက်ရမယ်...”...လို့ ...။

“သုညသည်သာ နောက်ဆုံးဖြစ်၍ ... သုညသည်သာ အစကနဦးဆုံးဖြစ်ကြောင်း ...”

မျောခဲ့ရတာ မြစ်ကျိုးအင်းဘယ်နှစ်ခုတောင်
ငါ့ဘဝမှာ လက်ပစ်စံချိန်ချိုးခဲ့ပြီလဲ ...
ကွေ့ကွေ့ကောက်ကောက်
ဒီမြစ်ရိုးတစ်လျှောက်စုန်လာလိုက်ရတာ ...
စုန်သာ စုန်ခဲ့ရတယ် ...
ကျွန်တော့်မှာ မ နဲ့ ဝေးခဲ့ရတယ် ...ဆိုတာကို
မယုံနိုင်သေး ...
မျောသာမျောခဲ့ရတယ် ...
ဖြေသာစကားမြစ်တွေထဲမှာ
ကျွန်တော့်နာမည်အခုထိမပျော်ဝင်နိုင်သေး ...

မနက်ဖြန်တွေကို မေးရက်ပါဘဲ ...
ဒီဒဏ်ရာ ပြန်ကောင်းအောင် ကုသပေးနိုင်မလား ...လို့ ...

ရင်ခုန်သံတွေ လွင့်မျောတဲ့
ကောင်းကင်ကြီးမှာ ကွဲရှရာ မဖြေသာ၊
ပက်လက်ဟနေတဲ့ ဒဏ်ရာ ...
ဘေးနားမှာ အပ်လေးတစ်စင်း ...
ဘယ်တော့မှ ထွက်သွားနိုင်မှာ မဟုတ်လို့
သက်သေခံပစ္စည်းလေးပေါ့ ...
အိပ်မက်တွေထဲမှာ အဲဒီအပ်တစ်စင်းကို
လုံလုံခြုံခြုံသိမ်းဆည်းထားတယ် ...
အပ်လေးက တခါတလေညည်းရှာပါတယ် ...
“ မောင်လေး ...မ ကို ထွက်သွားခွင့် ပြုပါတော့ ...” ...လို့ ...။...

ညအမှတ်ထောင့်ငါးရာ ...
ပိုင်ဆိုင်တဲ့ ကဗျာဆရာ ...
အိပ်မက်တွေ ပြန်ပေးဆွဲမှုနဲ့ ...
စာရွက်တွေပေါ် ဘောပင်တစ်လက်နဲ့ ကားစင်တင်ခံရတယ် ...
သံယောဇဉ်တွေ ...
အတိတ်တွေ ...
မ စကားသံတွေကတော့ သူ့ကို လှောင်လို့ ရယ်လို့ ...ပေါ့...
သူလေးကျေနပ်ပါတယ် ...
တစ်စထက် တစ်စ ...၊
ကွဲရှလာတဲ့ ဒဏ်ရာတွေကို ညင်သာစွာပွတ်ထူရင်း ...
ညှီစော်နံ သူ့သွေးဒိုင်ယာရီတစ်ပုဒ်ကို ပစ်ချလိုက်တယ် ...

ဒိုင်ယာရီနောက်ဆုံးမှာ ...
စာလုံးလေးတွေ ခွင်းထားတာက ...
“ ငါ့အတိတ်တွင် တိတ်တိတ်ဆိတ်ဆိတ် မ အိပ်နေစဉ်
မသိမသာ ရင်ခုန်သံများအား သူ့အတွက် ...
ပက်ဖြန်းပေးခဲ့ပါသည် ...ကုန်ခမ်းသွားသောာ
ထိုရင်ခုန်သံရနံ့များသည် မ အားခစားမည့်
တစ်သက်တာ မွှေးကြိုင်ရနံ့များသာ ...”

“မနေ့က ...”

မနေ့က စုပ်ခဲ့တဲ့
သကြားလုံး ဒီနေ့ပြန်စုပ်ဖို့ရာ ...
(ကြွက်ကိုက်နေတော့)
ချိုမြိန်သန့်ရှင်းခြင်းကို မနေ့ကလို
သူပေးနိုင်တော့မလား ....

မနေ့ညက စပ်ခဲ့တဲ့ကဗျာ
ဒီနေ့ပြန်စပ်ဖွဲ့ဆို သီကုံးဖို့ရာ ...
ဆူပွက်နေတဲ့ သွေးရူးသွေးတန်းခံစားချက်မျိုး
မနေ့ကလို သူပေးနိုင်တော့မှာလား ...
လရောင်လေးကို ပွေ့ထူရင်း ၊
ကြယ်စင်တစ်လက်အကြောင်း သံစဉ်တစ်ပုဒ်သာ ...
ဖွဲ့ဆိုရင်း ...
“မနေ့က ...” ဆိုတဲ့ နေရောင်ခြည်ဟောင်းတွေနဲ့
ထပ်မံကခုန်ဖို့ ဆိုတာ ...ဆုလေးတစ်ခုအဖြစ်တောင်းပေမဲ့ ...
သီသီလေးလွဲချော်ခြင်းပေါ်မှာ
ချော်လဲရောထိုင်လိုက်မိတဲ့ကောင်ပါ ...

မနေ့က ဖန်တီးခဲ့တဲ့
ငါ့ဇာတ်ကောင်တွေရဲ့ ကံကြမ္မာ ...
ရှေ့ဆက် ဘယ်လို ခင်းရပါ့မလဲ ...
“နေမင်းကြီးရယ် ...
ငါ့ဇာတ်ကောင်တွေရဲ့ ကံကြမ္မာသက်တမ်းရှည်ဖို့
သင့်ကို တစ်ပတ်လောက်
ကောင်းကင်ကြီးပေါ်မှာ ဆင်ကော်ထက်ပြင်းတဲ့
ကော်ပြင်းတစ်မျိုးနဲ့ ကပ်ထားချင်ပါဘိ ...”
................................
ဩော် ...မနေ့ကအချိန် ...
မနေ့ကအချိန် ...
မနေ့က ငါ့ကောင်မလေးမျက်နှာ ...
မနေ့က ငါ့ကောင်မလေးခင်မင်မှု ...
မနေ့က ငါ့ကောင်မလေးအပြုံး ...
မနေ့က ငါဆုပ်ကိုင်ခဲ့တဲ့ ငါ့ကောင်မလေးပျော်ရွှင်မှု ...
မနေ့က ဟက်ဟက်ပက်ပက်ရယ်မောခဲ့တဲ့ ငါ့ရင်ခုန်သံ ...
မနေ့က ...
မနေ့က ...
မနေ့က ...ပါပဲ ...
မနေ့ဆိုတဲ့ နေ့တစ်နေ့က ငါပိုင်ဆိုင်သမျှ ...
ဒြပ်ရှိဒြပ်မဲ့အရာအားလုံး
ရင်ခွင်ကို နင်းဖြတ်ပြီး ...
တစ်ယောက်တစ်ပေါက်နဲ့ ...
ကိုယ်စီညမင်းဆီကို ငါ့ဆီ လက်သုတ်တစ်ဆောင်ပေးခဲ့ပြီး
ထွက်ခွာနှုတ်ဆက်သွားကြပြီ ...
ငါ့မှာတော့ မျက်ရည်စမ်းစမ်း...စမ်းစမ်းနဲ့ပေါ့ ...
အိပ်မက်တွေနဲ့ လှမ်းခေါ်ပါတယ် ...
သူတို့ မကြားနိုင်တာ ခက်တယ် ...

မနေ့က ...နေဟာ
ဒီနေ့ပြန်သာခွင့်ရရင် ...
သူ့လက်ကိုပဲ မလွတ်တမ်းဆုပ်ကိုင်ထားမိမှာ ...

ဒီနေ့မှာ ...
ရယ်မောသံမရှိဘူး ...
ဝိဥာဉ်မရှိဘူး ...
အလင်းရောင်မရှိဘူး ...
စိမ်းစိုတဲ့ အတွေးတွေမရှိဘူး ...
တိုးတက်ခြင်းမရှိဘူး ...
မိုးမရွာဘူး ...
နေမသာဘူး ...
ကဗျာတွေ စာရွက်တွေပေါ် ထွက်မလည်ဘူး ...
အတွေးတွေမှာပဲ မျက်ရည်မိုးအေးလေးလေးနဲ့
ကွေးနေကြရဲ့ ...
လက်တွေမှာ သွေးတွေ မရှိဘူး ...
ဦးဏှောက်တွေ ဖုန်တက်နေတယ် ...
ကန္တာရထဲက သစ်ရွက်ကိုပဲ ကြိုးစားစိုက်နေတယ် ...
ခြောက်သွေ့ခြင်းနေတွေ ပျိုးဖို့ ...
မျက်လုံးဖွင့်လိုက်ရင် မထွက်ဖူးတာ ကြာနေပြီဖြစ်တဲ့ ...
အထီးကျန်တံခါးရွက်မကြီးက ...
သွေ့ခြောက်ခြောက်အကြည့်တွေနဲ့ မျက်စောင်းထိုးတယ် ...
ဒီနေ့နဲ့ ပတ်သက်ပြီး ...
ဒါဘယ်သူထွင်းခဲ့တဲ့ ရာဇဝင်လဲ ...
“ချစ်စရာသွားတက်လေးနဲ့
ဝက်ခြံနီတွတ်လေးနှစ်ခု ပါးပြင်မှာ ရေမလောင်းဘဲ
စိုက်ကြဲထားတဲ့ ကောင်မလေး ...
ကိုယ့်အာရုံမှာ အခုထိ ရနံ့တွေတောင်
ဆော့ကစားပြေးလွှားနေကြသေး ...
မင်းနဲ့ ပြန်တွေ့မယ့် မနက်ဖြန်တွေကို
မျှော်လင့်ရင်း ...
တွေးရင်း ...
ပျော်ရင်း ...
မြူးရင်း ...
ငါပိုင်တဲ့ ဒီနေ့ကြီးလေ ...
ခက်ဆစ်မရှိတော့ဘူး ...” ...။